稻田食堂

营业中

休息中

今日偷懶唔煮飯，就落樓下稻田食堂買兩個便當當晚餐，近排啲街坊話呢間唔錯。阿女話佢想試沖繩便當同鹿兒島便當。因為呢間鋪食物以日本地方命名，阿女話好搞笑。鋪頭裝修簡潔，十分乾淨。下次可以堂食。沖繩便當$96🫧吉列千層芝心豬扒一件吉列豬扒入面有流心芝士，咬落去豬扒夠淋有肉汁，唔會乾爭爭，夾埋流心芝士，十分美味。🫧汁燒金菇牛肉捲2件燒汁夠惹味，金菇肥牛永遠係最佳拍檔。鹿兒島便當$92🫧汁煮豬軟骨五件醬汁將啲豬軟骨炆得好淋真係啲骨都可以食埋🫧吉列大蝦兩件炸蝦非常大隻，彈牙。外層炸醬十分爽脆。兩個便當都有🫧刺身三種（三文魚兩件、帶子兩件、有頭甜蝦一隻）刺身新鮮肥美，一啲都唔hea。🫧味付螺肉、🫧咖哩飯估唔到個咖喱飯都咁正，夠香濃，帶小小甘口，阿女最啱食。兩個便當有咁多嘢食，呢個晚餐真係十分豐富！飽飽。