稻田食堂

营业中

休息中

放工唔想煮飯，經過見到呢間外賣小店，主打日式家庭風便當，即叫即製熱辣辣，性價比高過連鎖店，簡直係外賣恩物🍱！🎏 明古居便當豐富到嚇親！一盒有齊：鰻魚：軟淋唔腥，燒汁甜香夠入味鯖魚：鹽燒皮脆，魚油香唔會過鹹三文魚壽司兩件：醋飯唔會散，三文魚夠鮮無雪味配上和風燒汁飯底，每一啖都好滿足🐮 鹽燒安格斯封門柳厚燒玉子丼肉食獸之選！安格斯封門柳牛味濃🐂，燒到五成熟嫩口唔韌，味無論係聞落定食落都勁香，厚燒玉子甜滑有層次，同樣係燒汁飯底，一啲都唔會dry🍰 濃厚抹茶蛋糕意外驚喜！抹茶味甘濃唔死甜，蛋糕質地濕潤，食落好有軟身有口感，食完一啖又一啖完全停唔到落黎，唔錯！埋單total每人$100左右，食到咁豐富既便當，抵！

位於葵芳的這家日本菜專門店，為食客帶來舒適愜意的用餐體驗。店內環境雅緻整潔，營造出放鬆的氛圍，是忙碌後好好享用一餐的理想選擇。服務員態度親切有禮，上菜節奏拿捏得恰到好處，既不會久候，亦不會感到倉促，讓用餐過程流暢舒心。唯一美中不足是店內的外賣提示機聲響略為明顯，若能調低音量，整體寧靜感將更上一層樓。說到食物，店家有兩道海鮮菜式絕對是「必點之選」，令人回味無窮：照燒原隻燒魷魚魷： 這道菜可謂誠意十足！原隻魷魚經炭火或爐火悉心烤製，外層完美裹上濃郁甘香的照燒醬汁，在高溫下形成誘人的焦脆光澤。入口先是微甜的醬香，緊接著是魷魚肉質的鮮美彈牙，炭烤香氣與照燒的鹹鮮完美融合，口感層次豐富，是視覺與味覺的雙重享受。火候控制得宜，魷魚保持多汁不乾柴，盡顯師傅功架。蟹味噌甲羅燒： 蟹迷絕不能錯過！將滿載蟹膏（味噌）與蟹肉的蟹蓋，置於小火爐上細烤。看著橙紅的蟹膏咕嘟冒泡，香氣四溢，已是極大誘惑。蟹膏濃郁醇厚，鹹鮮中帶甘甜，蟹肉的鮮味點綴其中。建議配以脆餅或直接小口品嚐，每一勺都是濃縮的大海精華，甘香滿溢，齒頰留香，盡顯日式風情。至於 咖喱飯，雖非味道不佳，但個人認為其調味偏向甜口，與預期中日式咖喱的濃郁辛

今日我黎到葵涌食稻田食堂，外觀雖然好平民，但係食物真係令我驚喜，食到好開心！首先，我地叫左個名古屋便當，呢個便當真係超級豐富！裡面有三文魚壽司、燒鯖魚、蒲燒鰻魚同埋咖哩飯，每一樣都好出色。三文魚壽司好新鮮，有口感，燒鯖魚味道香濃，肉質鮮美，蒲燒鰻魚個汁少少甜，而家鰻魚好肥美，食落去油脂爆出黎，好高質，便當仲跟埋咖哩飯，個份量係超跨張，起碼有兩碗飯，唔使怕唔夠食另外我地都叫左角切魚生飯，呢到既魚生都好新鮮，角切都切得幾厚，好有口感，而且魚生既份量都好多，好抵食最後我地仲叫左個胡麻冷烏冬，呢道菜好清新！烏冬麵條煮得啱啱好，滑滑既口感，而且好彈牙，撈埋香濃既胡麻醬，味道非常獨特。而且仲跟左一個蟹子蟹柳沙律，係夏天食落去好開胃，係夏天嘅好選擇整體來講，唔好睇呢到鋪仔細細，食材新鮮，味道正宗，而且份量又夠大份，真係好有驚喜，絕對值得再黎食

## 食評：葵芳日式小店午餐體驗今次同媽媽去葵芳嘅一間日式小店食午飯，真係好滿意！### 食物評價1. **花之戀 魚生**： - 魚生新鮮，份量頗大，三文魚、帶子都切得厚，食落去特別滑順，真係好值得一試。2. **特選三色丼**： - 內有三文魚、帶子及蟹子，份量亦好大，魚生質素高，真係食到好滿足。3. **沖繩便當**： - 需要等候一段時間，因為即時烹飪，但等得值得，吉列千層芝心豬扒熱辣辣，厚切有流心，真係好美味。飯量超多，完全可以飽足。### 環境評價- 餐廳環境小巧而舒適，冷氣足夠，讓人可以輕鬆享受午餐。牆上仲有啲藝術作品，增添咗氛圍。### 總體評價整體來講，呢間小店性價比高，食物質素高，份量足，真係令人好滿足！下次再帶埋其他朋友一齊來享受美食！

今日同朋友嚟到稻田食堂食個超豐富日式午餐，真心有驚喜，好多款式一次過滿足晒😆🍣三色刺身拼盤 ($88)厚切三文魚油脂分布靚到閃，入口滑得黎有啲微微油香；油甘魚厚肉又夠爽，啖啖鮮甜；甜蝦仲要超大隻，好彈牙，咬落去有股甘甜味，好清新。底下啲碎冰keep住新鮮感，打卡都幾靚。🥩炭香燒牛肉（$58）呢個係額外單點嘅重頭戲，牛肉燒到外層帶微焦香味，切到厚厚一塊，肉心粉嫩，咬落juicy到流汁，肉味好實在又唔會韌。🍱和歌山便當 ($80)便當入面最吸引我係鹽燒鯖魚，魚皮煎到脆卜卜，魚肉嫩滑又有啲淡淡鹽香，擠少少檸檬汁就更鮮味。旁邊燉豬軟骨啲肉好入味，鹹香又啖啖肉，好有滿足感🍜轉黑蒜油豬骨湯烏冬 (+$13)湯底香濃夠厚身，黑蒜香撲鼻，飲落帶少少甘味，飲完口腔都留住香氣。烏冬滑溜彈牙，啱晒我口味

今日同朋友仔去葵芳行街順便搵嘢食，見到呢間食便當好似幾豐富，就去試吓七點入到去人流都好多，幾乎滿座，咁我哋就叫咗一個沖繩便當，一個特選五色丼，有三文魚，北寄貝，帶子，赤蝦，海膽，另外仲叫咗個北寄貝壽司同埋火炙三文魚壽司沖繩便當入面包括吉列千層芝心豬扒、汁燒金菇牛肉卷、味付螺肉、咖哩飯同三種刺身，三文魚帶子甜蝦，另外簡左杯特飲荔枝椰果梳打，成個便當好豐富，由前菜到主食總共五個格仔，好滿足😌而且佢個豬扒都幾好食，先$98，真係物超所值而特選五色丼包括咗一個三文魚味噌湯，加埋佢五種刺身，好夠飽，而且三文魚都好新鮮😆我地仲加左兩碟壽司，性價比好高😊估唔到葵芳仲有啲小店😆

餐廳規模唔算好大，但踏入晚市好快坐滿曬人，估唔到咁受歡迎🤣🤣裝修都幾特別，牆上掛咗好多動漫相~餐牌超級多選擇！！大部分日式料理都可以係到食到，除咗有一系列壽司、刺身、烏冬等，仲有多款冷盤、小食同便當😋😋😋黑松露帶子加州卷（4件） $55黑松露超級香，而且份量唔少，加洲卷頂嘅帶子好鮮甜，入面嘅材料好新鮮，青瓜特別爽脆👍🏻👍🏻👍🏻靜岡辣油燒三文魚加州卷（3件） $42推薦！！靜岡辣油估唔到咁出色，同燒三文魚好夾，配搭埋加洲卷同沙律醬，口感好豐富好好食😍😍😍薩摩便當 $108便當好抵食！有鹽燒安格斯封門柳、七味燒豬頸肉、粒粒蟹籽加州卷3件同味付螺肉，封門柳肉質偏嫩，豬頸肉燒得好香~唐揚魷魚鬚 $48好大份🤣🤣🤣估唔到咁足料，魷魚鬚好大條，炸到好香好脆！

放假同媽咪去葵芳街市買餸, 順道係附近食個lunch。經過呢間餐廳門口, 見menu上有唔少便當、丼飯, 款式吸引, 價錢唔貴, 就入咗去食個lunch。餐廳地方企理。黑松露三文魚壽司:三文魚壽司上以黑松露點驟, 魚香中帶點松露清香, 不錯。沖繩便當:便當款式豐富而且份量多!吉列千層芝士豬扒, 吉列皮香脆, 入面卷住嘅豚肉片嫩滑, 沾咗熱溶了嘅芝士汁, 更為香甜, 帶出鮮肉味。汁燒金菇牛肉表面煎得帶少少焦香, 肉汁滲於包住嘅金菇入面, 口感層次豐富又富有肉香, 正!自選了咖哩飯, 個咖哩甜甜地, 咖哩味好重, 撈飯食超正!便當配有味噌螺肉同埋三款刺身各二, 包括有三文魚、帶子、甜蝦, 每款都好新鮮冇腥味。套餐 +$24 追加唐揚魷魚鬚:估唔到追加嘅份量都咁多, 炸皮薄而酥脆, 魷魚鬚爽口彈牙, 配千島醬食, 味道更提升。特選三色丼: 集合了三文魚、蟹籽同埋帆立貝嘅刺身丼飯, 帆立貝鮮甜, 將蟹籽混入珍珠米飯食, 每啖更鮮味更有口感層次; 套餐更附有口感滑嫩、味道鮮美嘅茶碗蒸同埋小食味付螺肉。

今日收工同朋友特登去咗葵芳嘅稻田食堂，好耐冇食，水準依然保持到！餐廳雖然唔大，但氣氛 cozy，侍應雖然忙到踢晒腳，但態度友善，上菜速度合理，值得一讚。 **黑松露帶子加州卷**（4件） 黑松露香氣突出，帶子鮮甜，醋飯比例剛好，入口層次豐富，係必點之選！ **照燒雞扒蕃茄濃湯烏冬** 雞扒燒得香脆，照燒汁甜度適中，蕃茄湯底濃郁帶微酸，烏冬掛湯力強，開胃又飽足。 **阿久根便當** 最驚喜係呢個拼盤！名古屋芝麻雞翼外脆內嫩，薩摩流心芝士魚餅一咬爆漿，日式圓蔥魚餅香甜彈牙，味付螺肉爽口惹味， 冇要咖喱飯+$13轉咗**黑蒜油豬骨湯拉麵，湯底蒜香濃郁而不膩，拉麵爽口，每款小食都高質，抵食之選。 整體而言，稻田食堂性價比高，味道同服務都保持水準，下次去葵芳區一定會再encore～

餐廳係午市期間好多人，門口超多人排隊，今日我好彩一個人，就好快入到位，可以試吓🐟 厚切油甘魚刺身（4片） $65切得算厚，入口軟滑，魚味偏清淡但夠新鮮。冇筋，唔會咬到柴柴地嗰種。溫室光底下睇仲有少少透光感，幾靚🐟 藍鰭吞拿魚赤身（4片）$85比油甘魚重口味少少，唔腥。肉質結實唔會散，入口滑，唔係嗰啖啖爆油嗰種，但好鮮甜同無根🍱 沖繩便當（需時15分鐘）$98內容幾豐富，有咖喱飯、吉列豬扒、牛肉卷、螺肉、刺身、甜蝦⋯— **咖喱飯** 味道偏甜，似日式家庭式咖喱，有暖胃感覺。— **吉列豬扒** 外層夠脆，冇浸汁變淋；內裡肉唔乾。— **金菇牛肉卷** 有驚喜，牛肉唔鞋，包住金菇食落口感好立體。— **刺身三種** 同餐單單點果啲刺身唔同，三文魚、帶子、甜蝦，份量小但無偷工，甜蝦仲係連頭上枱，夠誠意。💬 總結餐牌選擇花款多、味道穩陣，唔怪得知lunch time咁多人食

朋友帶咗我去佢屋企附近嘅呢間街坊日式餐廳，估唔到又幾有驚喜喎。假日六點左右去到都已經好旺場，基本上都keep住坐滿，外賣單都好多，但上菜速度都keep到正常，勁！赤身三色丼佢入邊有吞拿魚，三文魚，帶子。魚生新鮮同埋都算厚切，三文魚超肥美。壽司醋味嘅飯好好食，味道適中。仲配上三文魚麵豉湯，入面都好多料。春田便當個人超級推介叫便當，佢價錢由八十幾到一百頭左右，一個便當已經有幾款送，有啲仲有刺身同埋壽司。 呢個春田便當有蒲燒鰻魚1客，照燒脆骨雞肉丸子1串，刺身三種（三文魚2件，帶子2件，有頭甜蝦1隻），咖喱飯，味付螺肉。佢便當嘅份量都好多，便當配嘅刺身都唔少㗎，刺身仲要好新鮮，男仔呢個便當都一定食得飽。佢個咖喱飯都好好食，日式甜咖喱帶少少辣度，鰻魚都唔Hea，好送飯。

假日行完葵廣同新都會，跟街坊過嚟呢間日式小店稻田食堂，質素唔錯，份量又足，都幾抵食沖繩便當 - 吉列千層芝心豬扒，極法幾特別，豬扒係一層層豬肉，加埋邪惡芝士，味道口感同樣有層次；汁燒金菇牛肉卷好有咬口，調味亦唔錯；三文魚、帶子同甜蝦刺身都鮮甜肥美名古屋便當 - 鰻魚同鯖魚味道都唔錯，螺肉好開胃，三文魚壽司鮮甜，份量十足，咸檸七、青柑桔柚子梳打 - 咸檸青檸清香突出，大熱天時飲梳打特別正食物選擇好多，用QR Code落單好方便，小店裝修同佈置都好日系，感覺簡潔溫馨，地方又乾淨好坐，整體好舒服，值得一試

日本小店要多多支持，出品認真，可以坐得舒服又食得開心便當是本店的必食之選，每個都十分豐富🥢秋田便當-脆香吉列雞扒2件、汁煮豬軟骨、刺身(帶子、甜蝦、三文魚)雞扒外皮金黃酥脆，內裡肉質鮮嫩多汁，肉質軟嫩，十分入味豬軟骨非常軟爛，入口即化，而且醬汁好入味，微甜口味刺身食材新鮮，口感滑嫩，特別是三文魚的脂肪比例恰到好處🥢蟹味噌甲羅燒(配紫菜飯團)蟹味噌濃郁，帶有海鮮的鮮香，甲羅的烤香味增添了層次感。搭配的紫菜飯團，口感柔軟，米飯的清淡與蟹味噌的濃厚形成對比，味道更加豐富🥢山型鱈場蟹柳壽司外觀精緻，蟹柳鮮甜，有鱈場的鹹香，米飯的醋味輕柔地襯托出海鮮的鮮味，壽司的口感滑順🥢炙燒芝士軟殻蟹反卷(8件)芝士香氣濃郁，與軟殼蟹的鮮嫩相互交融，芝士的滑順與蟹肉的鮮美，口感層次豐富

放工亂行哩頭，發現小店幾有日式風，入去發現品項超級多，餐牌只係影咗小部分，除咗基本壽司、刺身、便當，仲有創意日式料理，連打邊爐都有，真係麻雀雖小（約5張卡位，2張大枱），同埋環境係十分企理新淨，重點係果晚葵芳街坊咁岩每枱都會叫清酒，真係夠晒chill京都便當有炸雞，福岡流心芝士漢堡扒，圓蔥魚餅，味付螺肉流心芝士漢堡扒係真係熱辣辣拉到絲，其他正正常常想像到嘅味道特選刺身盛有三文魚，有頭甜蝦，赤貝各3件$112黎講有3樣嘢算幾抵食，小店黎講味道幾新鮮，赤貝幾爽口福岡直送綿綿芝士蛋糕跟餐加$24蚊就有，蛋糕唔算大個，但食落同佢個名一樣係有綿滑口感，同埋幾有芝士味

今日同女友去葵廣掃街兼購物，掃街之前當然要食正餐。葵廣商場後面尤其系仁芳街有好多卧虎藏龍，稻田食堂絕對係其中一間。餐廳有好多款便當，壽司刺身都應有盡有。裝修充滿日式食堂既感覺，傢俬全部係木製，另外用QR落單非常方便。- 炙燒左口魚裙邊壽司灸燒後魚油出晒黎，味道更甘香濃郁，入口即溶🙇🏻‍♂️- 吹波漲漲第一次見到壽司磋成波既形狀，非常得意😍。其實呢款壽司係日本女兒節既傳統料理，一共有六款味道，包括三文魚籽、海膽、蟹膏蟹柳、黑松露吞拿魚、櫻花魚鬆三文魚同帶子，以上材料都好新鮮👍🏻- 秋田便當便當非常豐富，有咖哩飯、脆香吉列雞扒、豬軟骨、螺肉同三款刺身。咖哩質感濃稠順滑，味道微甜帶少少辣，完美掛住每粒米飯。吉列豬扒外皮酥脆、入面鮮嫩多汁。豬軟骨煮得超稔好入味😍。刺身三點有三文魚、帶子同甜蝦，擺盤精緻，味道都唔錯。總結而言，便當份量比我想像中多，性價比非常高。