一點心 (通菜街)

营业中

休息中

因為住得近，平時多數外賣，因為呢度真係任何時候都咁多人，遊客亦非常多！難得今次有朋友過開來又想試，就破例陪佢等下位坐低食。必食推介一定非燒賣莫屬，用料新鮮，唔會覺得豬肉好肥，仲有蝦喺入面，大大粒好抵食牛仔骨亦十分入味，炆到好腍，配埋黑椒汁味道剛剛好，不會太咸或膩。煎蛋牛肉飯都係另一款我經常叫的，尤其一人晚飯外賣返屋企食一流，牛肉嫩滑，有些芫茜撈喺入面，蛋一般都係煎熟的，我個人較喜歡少少生可以有蛋黃撈下飯，不過加埋甜豉油都已經好夠味今次兩個人嚟可以叫個馬拉糕作結，新鮮蒸出來軟綿綿，味道又不會太甜，恰到好處 埋單100左右，咁嘅質素又食到飽飽，忍唔住要寫個食評支持下！