順流冰室 (已結業)

今日黎食下街坊野，呢間似新開冇幾耐嘅冰室員工都幾後生。菠蘿包同西多士都好吸引牙！但今日呢個時間食晚餐先～每樣野食分量都好足夠，可以揀少飯～————————————————————————🐔無骨海南雞飯 + 湯 + 凍檸茶 $78海南雞啖啖肉冇骨，雞肉彈牙軟嫩，完全不乾柴，雞皮滑嫩，醮上薑蓉、甜醬油等，配飯一流～不過飯係乾身d既，唔係星馬類個種香軟油飯～🐤炸雞翼 (4隻) $30雞翼係即叫即炸~隻隻雞翼炸到皮脆多肉嫩多汁！黑椒味唔只係灑係脆皮外, 肉都好入味~~🐮咖哩牛腩飯 - 小辣 $66每舊牛腩都炆得好淋，而且肉嫩，一啲都唔會好韌咬唔開～小辣咖喱好惹味，味道濃郁送飯一流！🥬 灼唐生菜 $28菜新鮮翠綠翠綠，食落都爽爽地。雖然白灼但唔會灼得太耐而淋滋滋咁。