順流冰室 (已結業)

放工落港島同老公meet up，一齊食飯飯。經過呢間餐廳，門面光鮮，睇完晚餐餐牌幾吸引，就決定將今晚餐飯嘅幸福交俾呢度。有話跟餐中湯係無落味精，等我大大啖飲落去，然後我放低咗碗嘢冇再掂過。點會無…椒鹽豬扒好「梅」，落得太多鬆肉粉定唔新鮮…而且好咸，我同我老公完全唔想食。再試埋醬爆茄子豆腐火腩，睇個名就覺得惹味，點知仲伏，火腩冇味，茄子冇味，豆腐更加唔會有味，得個汁有啲味，偏甜㗎嘛，甜咸比例錯晒。而且個汁過度勾芡，食落有少少鼻涕嘅感覺 我老公食到面都「meh」埋。

與友人共聚午餐，為了避開人潮，不去丹麥冰室用餐，改為這間較靜的冰室，果然較靜也有其原因。點了一常餐E ：$48自家製五香雞丁配鳥冬首先雞丁份量偏少，而且味道也沒有很特別，而烏冬則不彈牙，也沒有咬勁。多士烘得夠脆，煎蛋不夠脆。友人的焗牛舌「焗」飯$60牛舌4片，夠淋的，不太厚。醬汁除了鹹，沒有太多其他評論。飯炒得不夠乾，太淋，一ｐａｔｐａｔ　的，也一點也沒有蛋香。牛舌只有菠蘿油$18牛油少得可憐，菠蘿皮不鬆脆，包不夠鬆軟。加餐配的特飲，紅豆奶茶有茶味，紅豆偏甜。

送完阿仔反學通常都會周圍搵下有咩餐廳食早餐早餐來來去去都係個啲所以餐廳坐得舒服都好緊要🔆沙嗲牛肉出前一丁（有埋麻油）沙嗲牛肉啲牛肉夠淋，味道適中，但如果再濃小小就更正！出前一丁麵軟硬適中，不錯！ 🔆跟餐配 餐肉煎熟蛋 + 牛油面包味道正正常常，都不過不失！ 🔆餐飲 ： 凍奶茶少甜少奶味道不錯，但都係多奶左小小

【灣仔區】【順流冰室】只要一踏入港島區，十之八九都係同浣紗娘一齊，咁我本身都冇乜朋友，其實唔係呢個就係嗰個，啲路都好易捉。然而，今次搵佢都唔係淨係吹個水咁簡單，而係睇吓展覽。行到腳跛搵地方按腳，事前就附近食少少嘢咁咋。因此我哋都係食啲輕食架咋，費事食得太飽走去按摩會好辛苦。加上留畀我哋嘅時間本來就唔多，要嗱嗱聲食完嘅話又好難食到太𠮩𠹌。本身我同浣紗娘都想食菠蘿油，但之後佢又無啦啦話唔食，咁就即係到我食啦，哈哈。佢個「出爐菠蘿包系列」都有幾款，我食 $28 嘅「鮮油菠蘿包」飲凍「荷蘭谷古」少冰少甜，佢個菠蘿油都唔錯，個包夠熱，牛油味又夠香，係可以可食嘅嘢嚟。跟餐我叫嘅唂咕就夠晒香濃，不枉我用咗嘢飲 quota 叫咗佢嚟飲。浣紗娘最後揀咗「多士系列」裡面嘅「雙拼多士」，價錢 $32，仲貴過菠蘿油。佢揀嘅咖央配牛油佢話一般，冇乜感覺咁，反而杯嘢飲佢飲凍「利賓納」少冰佢就好似飲得幾開心咁。埋單 $60 係合理價錢，正宗港式下午茶啊。。。（地址：灣仔莊士敦道150號地下及1樓）#1amfoodie #foodie #hkfoodie #thatfoodiething #food #instafo

在灣仔工作延遲了，已經錯過了午餐時間，沒有什麼胃口。選擇呢間餐廳的主要是餐廳名「順流」，希望自己可以在逆流中，慢慢回到順流。餐廳裝修簡約，有不少富有香港特色的小燈箱同燈牌，簡約裝潢之中十分突出。今次想試試常餐，有沙嗲牛肉公仔麵配火腿奄列、菠蘿包加凍檸茶($51)沙嗲牛肉軟淋，如果沙嗲湯底味道再濃烈一些就更好，公仔麵軟硬剛好。火腿奄列比較薄身，味道不錯。菠蘿包皮比較薄，麵包有點乾，味道不會太甜。凍檸茶本身揀了少甜，不過上枱的是正常甜度……食物味道方面，正正常常，記憶點不高，反而同區的金凰味道更出色。餐廳食物選擇多，或者下次試試其他食物。

今次是第一次到順流吃東西，都是一場意外。因為當初只是在門外看一看有沒有更詳細的menu，便有位waitress姐姐叫我入去看看。見到menu上的焗意粉和清潔的環境，便不想再繼續找，直接坐下落單。工作人員態度友善和主動，來到的蕃茄雞排焗意等了十分鐘還好沒失望，粉不會太硬太軟，雞排保持得到juicy，值得推薦。

窩蛋炒雞扒烏冬 $68其實原本係豬扒嘅，不過無曬，變咗雞扒，第一次窩蛋炒烏冬，比預期中好食，個烏冬無炒到焾曬，仲彈牙，個雞扒幾嫩口，個皮都少少炸嘅，好香口，好好食，嚟到必食咖哩魚柳飯 $60個咖哩好重椰奶香味，遠遠就聞到，個魚柳有成個男性手掌咁大，炸得幾好，唔會太油又唔會太乾身，都好難架炸雞翼 $30炸得好香脆，雞翼唔算細隻，都多肉，唔會嚡熠熠咁咖央西多士 $30好重嘅蛋香味，個咖央都好好食，下午茶整翻個就啱曬，仲要配翻個咖啡檀島咖啡 跟餐加$3原來係精熟的撞茶工法，撞茶的目的是透過咖啡與空氣接觸碰撞，令咖啡變得細滑，同時激發出香味，唔怪之得好香

行完會展見肚餓喺附近搵嘢食，喺莊士敦道經過一間餐廳，見到櫥窗擺咗啲蛋撻好吸引就同朋友入咗去食嘢。餐廳有兩層，去到嘅時候樓下已經坐滿，上左去樓上坐。本身諗住淨係食蛋撻，但見到其他野食又想試下🤪🙈。❤️炸雞翼(4隻)剛炸起，夠晒熱，皮脆肉嫩😋❤️全日早餐有牛仔腸、茄汁豆、滑蛋揀左炸魚柳同多士。炸魚柳啱啱炸起，熱到辣嘴！啖啖魚肉，十分嫩滑～😚我將又熱又有蛋香嘅滑蛋和茄汁豆放在剛烘起的多士上同吃，口感豐富又滋味～😋朋友加左$10嗌「椰汁大王紅豆冰」。好大杯，紅豆🫘 份量多，佔了杯的一半。😍❤️鑊氣炒粉麵飯：窩蛋豬扒炒烏冬成隻生蛋打喺豬扒上面，好吸引🤤。烏冬炒得好有鑊氣👍🏻。加左$10嗌左杯熱唂咕飲到純朱古力🍫嘅香濃味道，苦苦地😻😻，係我鍾意嘅味道❤️❤️酥皮蛋撻真係做到個皮好酥脆嚐到蛋香凍咗都好食😋👍🏻👍🏻👍🏻

香港百物騰貴! 間唔時都想慳返哋食一餐平民晚餐～呢間位於灣仔鬧市嘅茶記係方便快捷嘅不二之選蕃茄芝士焗豬扒飯⭐️酸酸甜甜嘅蕃茄同豬扒真係好夾! 加埋香濃芝士焗完之後呈半溶化狀態, 拉絲之美味😋 焗豬最正嘅地方就係即叫即焗上枱時仲係熱辣辣! 菜心炒牛肉⭐️牛肉份量都幾多, 惟鬆肉粉似乎落得重手左, 影響咗牛肉嘅味道同口感..菜心就正常發揮不過不失啦! 晚餐係有跟湯同嘢飲🧃點左無人不愛極好飲但非常邪惡嘅紅豆冰😇椰子奶味香濃仲有大大粒香甜紅豆💖飲到停唔到口! 另外點左份生炸雞翼~皮脆肉嫩香口美味😋

這間懷舊的茶餐廳裝修簡單而充滿懷舊風情。展示著過去的時光，讓人感受到濃厚的懷舊氛圍。點了一個常餐，其中包括豬扒麵、火腿奄列、凍檸檬紅茶和菠蘿包。豬扒麵，豬扒保持了肉質的鮮嫩和多汁。非常厚切，搭配滑溜的麵條，使每一口都帶來滿滿的滿足感。麵條煮得剛好，有著彈牙的口感，與豬扒完美融合。火腿奄列，薄片的火腿包裹著軟綿的奄列，兩者的口感形成了絕妙的對比。凍檸檬紅茶是一杯清涼的飲品，結合了檸檬的酸爽和紅茶的香濃。冰涼的口感和檸檬的酸度相互平衡，菠蘿包外層金黃酥脆，內裡柔軟鬆軟。它散發著香甜的菠蘿香氣

呢間灣仔新開嘅冰室喺繁忙嘅莊士敦道上，裝修光猛，整潔明亮，天黑咗嘅街道上發出簡潔發光嘅招牌，的確好容易吸引到人行入去試一試！餐廳係用QR code落單，只要有手機就可以落到單，方便我哋可以慢慢揀，餐餐單款式真係特別多，除咗晚餐之外，仲有其他茶餐廳常見或者唔常見嘅餐點餐飲都有😄😄焗豬扒意粉（鮮茄）味道唔錯，係鮮茄嘅味道，味道新鮮，蕃茄原味，味道淡一啲，相對來講都唔錯，豬扒係原件，口感紮實，厚度都可以，總結而來，味道都唔錯。星洲炒米星洲炒米嘅鑊氣好夠，係意料之外嘅味道，我同朋友都特別讚賞呢個炒米粉！咖喱粉嘅味道都幾出，加埋啲蝦仁同埋叉燒一齊食，的確係唔錯！鮮油菠蘿包呢個係茶餐廳必點嘅麵包，係傳統茶餐廳都會有嘅，所以一定要試吓好唔好食！呢個菠蘿包都可以，如果可以再熱一啲，味道應該會更好，值得讚賞嘅係菠蘿皮唔算好易碎晒，食嘅時候都保持到菠蘿皮嘅完整性，加埋原塊牛油，食落去滋味加倍！炸雞髀炸雞髀係我朋友鍾意食，所以叫咗一份，上枱嘅時候賣相好吸引！色澤好好香味都唔錯，切開嚟嘅時候感覺到佢炸雞髀香脆嘅質感，炸好好！值得一讚！味道都唔錯，雞髀仲好嫩滑，香脆嘅外皮同埋軟滑嘅肉質對比感覺都好好！相信如果自

灣仔最近新開冰室，有地下及樓上，位置多而且空間寬敞~ 食物選擇多 除咗一般常餐、三文治、焗飯、小食，亦有車仔麵及新穎食物: 芝士西多士/扒芝士蛋三文治! 夜晚去幾熱鬧! 鮮茄焗牛脷意粉 $68: 焗牛脷有4大件 口感軟滑又唔羶😋 芝士溶咗好邪惡😍 意粉焗完唔淋 軟硬度適中🍝 但略欠蕃茄汁 如果多啲就唔會乾!🧀芝士西多士 $30: 西多士平時食得多甜版 今次試芝士🧀️ 咸香幾特別 麵包好脆香 唔會油淋淋👍🏼 配半溶牛油同糖漿好邪惡🫶🏼咸牛肉炒蛋三文治 $25 +$2(烘底): 每次去茶記都鍾意食☺️ 烘底口感脆卜卜🤪 咸牛肉同炒蛋好夾😆 如果多啲咸牛肉會滿足啲😁 惹味豬扒 $32: 豬扒肉質好鬆軟😝 煎香完令油脂逼出👍🏼 有2大件好正!🦖暴龍趣趣美祿 +$16🍫趣趣綿綿朱古力 +$10

陪同事去灣仔電腦廣場買嘢，之後途經莊士敦道，天氣太熱又行到攰，見到順流冰室，一於入去食啲嘢同休息下。餐廳好好生意，乜都賣晒，只有常餐供應。雞扒麵：雞扒厚肉又大塊，煎炸至金黃色，皮脆肉嫩，如果麵和雞扒分開上會比較好，雞扒浸在湯會好快唔脆口，麵亦好彈牙。火腿奄列，雞蛋煎得夠香，質感尚算嫩滑。中間夾雜著一條條火腿，口感超豐富。豬扒麵，豬扒頗厚身，煎炸得夠香口又不失肉汁，出前一丁麵爽彈不會過腍。火腿煎蛋，雞蛋煎炸得香口，中間蛋黃係流心，有蛋香味，火腿味道鹹香。叉燒意粉的湯頭濃郁，彈牙的意粉吸滿了濃郁的湯和叉燒的甜味，十分惹味！火腿炒蛋，炒蛋滑溜綿密，蛋香十足。情話綿綿紅豆冰，紅豆林甜，加左滑溜的忌廉和甜美嘅棉花糖，味道更提升。椰汁大王紅豆冰，紅豆軟綿，椰汁飄香撲鼻。這個美味透心涼凍飲，是夏天最佳之選。凍咖啡香濃、滑順。晚上見到麵包有特價，即買嚟試吓！雞尾包，鬆軟的麵包體裡面包有港式奶酥餡料。

喺律敦治睇完醫生，過嚟灣仔街市行下，順便搵個地方坐低食啲嘢。喺莊士敦道見到有間「順流冰室」，門面好光鮮，裝修整齊新淨，一於試下。原來入面地方都幾大，佔地兩層，設有樓上雅座，環境企理舒服。大家都好肚餓，先嚟一碟星洲炒米 ($68)，上檯時熱騰騰，香氣撲鼻。米粉炒得夠乾身，鑊氣十足，配料下得很慷慨，有蝦仁、火腿、蛋絲、洋蔥同叉燒粒，食落香口，咖喱味濃。見到隔離檯點咗碟雜果沙律 ($30)，賣相幾吸引，即刻跟風。果然有驚喜，大大碟，份量十足，沙律醬酸甜適中，而且仲落咗我至愛嘅紅腰豆，教人吃得津津有味。順流公司三文治 ($50)  麵包烘得頗為香脆，入面搽咗牛油，餡料有餐肉、咸牛肉炒滑蛋、火腿、芝士、蕃茄和生菜等，用料極闊綽。餐肉煎得好香口、厚身微脆，生菜蕃茄非常新鮮，十分美味。另外仲點咗個蛋撻 ($6) 同 一份下午茶餐咖央西多士 ($36)。蛋撻味道唔錯，撻皮脆身鬆化又有蛋香，好食。西多士外脆內軟，咖央醬帶有椰香和蛋味，加上面頭嘅牛油同甜滋滋嘅糖膠，令味道更上一層樓。凍絲襪奶茶 (+$10)  茶味好濃，奶同茶嘅比例啱啱好，甜度適中。熱檸茶 (跟餐)  亦用料十足，杯內浸著 3 片檸檬，開

天時暑熱的日子特別難過，返屋企煮飯的日子要暫停一下，一條友放工後吃個快飯最好的選擇當然是我最愛嘅茶餐廳。順流冰室開業不久，最吸引我當然是有出爐麵包，六點後更有特價$10 蚊兩個包本來唸住點焗飯，不過又怕熱辣辣食唔落，是日晚餐共有七款選擇其中之一無骨海南雞飯 配 奶茶紅豆冰無骨海南雞飯以托盤送上有去骨海南雞、醬油、鷄湯、油飯先試一口油飯，比正常的較深色亦較有咬口富薑黃味道。海南雞有髀也有鷄翼、雞鎚等部份，肉挺多也夠嫩滑；醬油是黑醬油和辣蒜蓉，想吃得惹味一點可以盡情加 😂 奶茶紅豆冰可能大熱天時水吧重手左，覺得冰粒頗多，以至奶茶味被調稀了，影響了茶濃度；紅豆份量合乎比例，入口香甜軟糯，甜度適中。晚上人流不太多，吾使同人迫，冷氣足，食得特別開心。