小麻吉滷肉飯 (已結業)

屬於半個大埔人嘅我 閒時都會食下大埔嘅新餐廳 呢間小麻吉滷肉飯 地方唔大但長期滿座 令我好好奇到底有啲咩咁吸引 今日終於嚟食下星期六嘅下午茶時間嚟到都要等位 入面坐位幾窄 但味道同價錢搭夠雖然係下午茶時段但午餐依然供應 叫咗個鹽酥雞扒配夜市小香腸滷肉飯 雞扒大大份 厚肉多汁皮脆嫩滑 高質之選 夜市小香腸多香口而且微甜 同當地既台灣口味十分相似滷肉好好餸飯 而且唔太肥膩 不過米飯煮得較爛鹵水三拼入面有 鹵水豬耳 鹵水蛋同 鹵水豬大腸 豬耳非常入味 外淋內脆 而且仲有麻油香 鹵水蛋冇乜特別 鹵水豬大腸偏肥膩 但炆得超級淋 跟餐加錢仲可以飲台式特飲 香芋珍珠奶茶甜度適中 珍珠有咬口唔錯