影片
食家推介
嚟大埔平游台湾好味道🥳 呢间台湾小店客人源源不绝，唔少街坊钟意光顾。Lunch set：🎈卤香猪手饭 + 卤肉 $50🎈大仔麻辣卤肉饭 $45🎈阿萨姆红茶（冻）跟餐+$3🎈珍珠奶茶（冻）跟餐+$6✨嚟呢度必点嘅当然系卤肉！所以细佬想食猪手，都坚持要加卤肉😂 一上台就嗅到卤汁飘香，啲卤肉肥瘦参半，润口滑嫩；猪手亦卤得好入味，啖啖肉。另外，麻辣卤肉饭好惹味，加咗唔少花椒粒，麻辣香浓，要配多饭！如果可以去除花椒粒，只保留麻辣香味，就完美喇😚 仲有，我叫咗杯我狠爱嘅阿萨姆红茶，满足🥰小食：🎈逢甲盐酥鸡（8粒）拼炸木鱼豆腐（2件）$50✨盐酥鸡外脆内嫩😙 炸木鱼豆腐好好味，轻盈香脆嘅炸木鱼，包住软滑嘅豆腐，配埋炸木鱼上面嘅特调酱汁，好有台湾夜市小食嘅风味🤩食完呢餐，想旅行嘅欲望小火龙又苏醒了🔥 唯有买2包卤肉快煮包（$45/包）返去，得闲止下渴🥲🥲🥲
继续阅读
今日去左呢间看似普通 但食落有惊喜嘅台式食品店 餐牌非常多选择, 由常见台式食品 盐苏系列 到少见特色麻辣台式汤面都有 仲有尖椒皮蛋 当然唔少得台式食品店必备嘅珍珠奶茶啦！ 真系一间"有得拣" 嘅食店 而且价钱又相宜我叫左个黄金鸡扒卤肉面 上到枱第一印象系 香！非常香！ 鸡扒够咪又唔会死咸 椒盐调配得刚好 咬落去仲惊喜 非常苏脆 而且唔会有油腻感炸粉厚度非常值得一赞 唔会太厚 又有脆口感觉卤肉面汤头清甜 食完唔会口渴 而且好热辣辣！卤肉味香浓非常值得一试！
继续阅读
🔸黄金鸡扒拼小香肠饭配麻辣卤肉汁黎小麻吉就想定要食下个卤肉饭，今次我就试麻辣卤肉汁，唔算好辣但好惹味！呢个真系值得试！啲卤肉肥瘦均匀，捞饭好正，鸡扒同小香肠都系正常水准，唔错唔错。🔸肉澡猪软骨汤面🍜面既汤底都有成9款拣，例如系担担汤、牛汤、麻酱干面等等，今次就拣左蕃茄汤，有惊喜，个汤好浓茄味😳猪软骨唔算好淋，不过胜在份量好多，面又大碗，好抵食！🔸炸花枝丸、卤水猪耳加钱可以配小食，个猪耳腌得好入味同好淋，好食😋🔸台湾胚芽奶茶、百香绿茶Lunch set加几蚊就可以转特饮，正常发挥😌😌
继续阅读
小麻吉 卤肉饭🍚｜大埔 特色台湾 麻辣卤肉饭｜☺️讲到台湾特色，唔可以唔提既，更系卤肉饭啦，半肥瘦，肥美多汁。简单咁捞饭食已经好够满足。今次黎到大埔分店既小麻吉。睇下食完系咪真系可以变麻吉～😂🍛麻辣卤肉饭好少见有麻辣既卤肉饭食。唔好见佢颜色平平无奇，实际真系好麻辣，有兴趣既可以试下。其实都好大碗，米饭粒粒分明，软硬适中。卤肉肥瘦既比例大概系瘦比肥8:2左右，食落口一d都唔油腻。我拣左晚市既套餐，仲可以包埋主菜，小食。🐣蜂蜜芥末盐酥鸡盐酥鸡炸得好酥脆，但入面既肉质好嫩滑多汁，肉质十分好。无雪藏味。配上蜂蜜芥末既酱，好惹味，甜甜咸咸咁，真系好好味。好推介比大家～🐷麻辣卤猪耳尼个麻辣猪耳系热食，所以偏软。佢比起普遍既麻辣猪耳，无咁爽脆，多左嫩滑同脂肪既滑溜。同样，麻辣味真系好出。🐮红烧牛肉面大大碗，千奇唔好睇少佢既份量！牛肉使用左牛腱既部位，煮得好入味同软，但保留到一点既烟韧，口感唔错。面质都好弹牙, 汤头都好唔错，有蔬菜既鲜甜味。🦑炸花枝丸花枝丸大大粒，仲有唔少墨鱼粒，真系够晒鲜甜同口感🍹珍珠奶茶甜度适中，如果系用鲜奶就更加好啦。最钟意系佢既珍珠，好烟韧，煮得啱啱好！🍹百香果绿茶少甜百香果酸酸地好开胃，再加上绿茶既清新，好饮～
继续阅读
好味指数😋😋😋😋回头指数 ⭐️⭐️⭐️⭐️开心指数🤗🤗🤗🤗今日入咗大埔揾朋友食lunch，见到呢间小店门外面都几多人，入面都几多人食紧，见到餐牌午市优惠套餐好抵食，就入去试下！我本身好钟意食台湾嘢，因为台湾就好似乡下咁，疫情前每年都去几次！🍴盐酥鸡拼小香肠饭（$52）加麻辣卤肉（+$8）个饭大大碗，盐酥鸡大大粒，炸皮好薄（即系好大粒鸡肉），用料足，唔会好似有D店咁炸粉厚过鸡肉！台湾香肠烤到个皮好香，正！不过，最最最正系个麻辣卤肉汁，够麻小辣（我食得辣，对我嚟讲只系小辣，其他人我唔知😆），劲香，我系捞晒成碟落个饭度，好惹味！入面嘅卤肉半肥瘦，食到肥肉嘅油香味！如果你系食得辣嘅，记得要加呢个！🍴肉燥盐酥鸡汤面（$52）加麻辣牛汤（+$8）呢个系朋友食嘅，佢一食就不断叫好好味！我就梗系叫佢俾D我试下！圆圆嘅面好弹牙爽口，个汤又系好正，有香浓牛肉味之余，加埋麻辣真系好正呀～ 因为太好味，朋友劲快食晒成碗面，佢只愿意分咗一啖俾我试！搅到我后悔冇叫汤面！我惟有下次嚟再食啦！😫食得辣嘅记得，要叫麻辣牛汤！🍴胚芽珍珠奶茶（+$9）好大杯，有茶味、唔嚡，珍珠煮得啱啱好，够烟韧，粒粒分明，好饮！食得台湾嘢，梗系唔可以错过小食啦，呢度嘅小食都几抵食！🍴卤水拼盘（+$26）入面有猪肠、猪耳、卤旦，虽然佢写系小份，但份量都几多！个卤水汁好好味，猪肠处理得好好冇异味，煮得好淋好入味；猪耳煮得够淋带少少爽口，同样好入味，正！🍴甘梅脆薯（+$14）放咗响台面几分钟先食，都仲系好热辣辣，热到辣咀😂！甘薯大大旧，个皮劲脆，入面软软甜甜，个梅粉好有台湾风味，呢个味最可以勾起我对台湾嘅味道！🍴尖椒皮蛋（+$14）皮蛋好味，完全冇刺鼻怪味，因为好多时都会遇到难食嘅皮蛋，呢个口感同味觉都好正！虽然食到好饱，但都想试埋佢嘅甜品！🍴珍珠红豆仙草冻（$25）都几大碗，两个人share 啱啱好！仙草嘅味好清新，好Q 弹，红豆有一粒粒嘅又有起沙嘅，甜度刚刚好！成餐饭叫咗咁多嘢，每人都系一百蚊松D，好满足又可以止下台湾瘾，当自己去咗转台湾㗎啦！性价比好高，食得好开心，会再返嚟食，一定会食个汤面！😂
继续阅读