Chop Chop 食神叉燒 (新城市廣場) (已結業)

收左工，又唔知食乜，想食個間又收左，係新城市行行下，就見到呢間，咁就入左去食。我地叫咗個黯然銷魂飯二人餐再加左兩個小食，叉燒份量同圖片份量完全唔一樣（果然係圖片只供參考🤣🤣🤣），有圖有真相嫁😂😂😂#黯然銷魂飯 #叉燒蛋飯#餐廳資料：Chop Chop食神叉燒#地點：沙田#叉燒 唔似蜜汁叉燒，好甜，似沙糖溶左淋上叉燒上面咁，肉質，一行係半肥瘦，幾淋，但另一行就柴皮咁🙈🙈🙈，佢配有一碟仔叉燒醬，冇特別，似叉燒醬撈麵豉醬🤦🏻‍♀️#太陽蛋加飯完全冇特別，最特別既係連豉油汁都冇，完全係白飯🤣🤣🤣#例湯係白菜白菜乾湯，呢個出奇地好飲，應該冇味精，就算有都係好少，飲完唔會口渴#口水雞雞既肉質ok，夠滑，口水汁唔算正宗，但都幾好食#海蜇燻蹄呢個評分只可以話一般，緊緊合格，冇特別，唔出色，份量超少，唔抵食食野好個人口味，味道同品質都好重要，攸桐Winnie契媽唔會暗住良心去分享我食過既野，好食唔好食都會一一介紹，可能我個日去到餐廳一時失手姐，大家可以去試試。