街坊Cafe (已結業)

今日我同另外兩個朋友行女人街行得攰攰地又想搵個地方食下飯休息下，咁啱又見到依間街坊cafe就入左黎食個晚飯。餐廳入面嘅裝潢好有特色，每一面牆都畫上圖畫，似乎花左唔少錢係裝潢。咁有特色嘅餐廳係女人街都唔多。我地首先就嗌左個街坊小食拼盤入面，包括左水牛城雞翼，吉列蟹肉忌廉薯餅，薯格，豬肉腸。佢好快就上左菜，而且熱辣辣，保溫做得好好。我地嗌左兩個dinner set同其他散嗌。Dinner set首先奉上嘅係湯。我嗌左個什菌忌廉湯。個湯入邊好多料，佢將啲料整到好碎，好意入口。順帶一提，間餐廳入邊嘅餐具都好有特色。細至連餐碟同熱飲嘅杯都好靚好可愛。我地總共嗌左三個主菜，分別係法式鵝肝雞肉黑松露意大利飯丶波士頓龍蝦海鮮龍蝦汁意粉同雞肉香草醬河粉。個飯加左好多蟹籽喺上面，裝飾得好靚。幾乎啖啖有食到雞肉，好足料。個鵝肝超肥美，超正！個意粉一上枱就嚇親我，佢原隻龍蝦擺左係意粉上面，差啲大過隻碟！原隻龍蝦咁上可以保持龍蝦嘅鮮甜，麻煩就只係在於顧客要自己剝。個河粉係fusion菜，好有特色。就咁望落去都覺得佢好多料，好多雞肉。而飲品方面，間餐廳嘅藍蝶花凍飲同街坊汽泡水各自都有一個好特別嘅名。我地最終就嗌左