Go Inside Kitchen (已結業)

今日行完觀塘outlet，去到巴士站準備想返去屋企個邊食飯，朋友等等下車就話食完先返啦，咁急急腳之下就係隔離工廠大廈食西餐。餐廳有純音樂既餐廳令人放鬆點，kitchen係開放式，用板隔住廚房同食飯區，少少似大屋企咁，有窗望街景。我唔太餓就叫素菜意粉，朋友比較餓就叫左羊肉飯。紐西蘭羊扒配香草醬意大利飯上枱時有一些香香肉味，份量大！羊朳幾舊唔會老，煮得岩岩好呀，咬落少少軟身，同羊味都唔錯，唔會蘇，對於怕蘇既人係好消息，哈哈。意大利飯好多，配香草味又有野菌同紅椒 青椒 洋蔥就濃味之中帶點清新，令成碟飯好重香料既感覺，味覺好重，幾正既。香蒜欖油素菜意大粉上嚟比紐西蘭羊扒配香草醬意大利飯見加香，配菜特別多，有紅蘿蔔，青瓜同翠玉瓜。意大粉有黑椒蒜頭炒好好食，味足而不過份。意粉偏硬，岩哂我！！！食落好實在口感，配菜中青瓜 蒜頭特別入味，有少少沙津在上，好健康而又有味既素食。依度店員兩個 廚師都兩個，枱不多，所以幾快手可以落單同上菜。下次可以試下坐下外面，幾得意！又可以試下set dinner好多野食。