公和荳品廠

营业中

休息中

真係好耐冇嚟呢度食豆腐花啦，嚟到竟然係隔離開咗分店，新舖裝修新淨闊落d但係我都係去咗舊舖食一坐低叫咗2碗熱豆腐花（$10）同煎釀雙拼（$14），係煎豆腐同豆卜。之前不嬲都係食開煎釀豆腐，原來煎釀豆卜仲好食，脆卜卜，下次可以叫淨豆卜。豆腐花熱辣辣，入口順滑😋友人幫我加得太多黃糖，甜咗小小，但依然好味。食完好似唔係好夠，再叫咗碟炒麵，叫完之後聽到有客人叫淨炒大豆芽，友人話下次可以試吓。公和荳品廠有多年歷史，風味依舊，宜家仲有新加嘅食物等客人有多種選擇，價格相宜，物超所值，值得一去再去。