中庭 (裝修中)

灣仔會展中心的中庭，經過就經得多啦，今次特登黎飲下茶食下點心。入到去，地方唔太大，有幾間包廂，而玻璃窗位話係要提早預定先有嘅，因為今次係即興去食嘅，就冇得坐玻璃窗位。鹹水角口感香脆，唔會癡牙，入面嘅餡同平日食嘅分別唔太大，但食落唔會好多粉漿係入面。燒賣入面嘅豬肉同蝦肉嘅比例啱啱好，食到蝦肉嘅彈牙，又有豬肉嘅鮮香。體積比一般酒樓嘅大少少。蒸排骨排骨唔會好多肥肉，肉質嫩滑唔黏牙。XO醬粉腸粉醬味惹味香濃，加埋面頭嘅肉鬆，味道更豐富。雖然仲會附上花生醬同甜醬，但個人覺得已經好夠味，唔加都可以。腸粉如果可以再乾身一啲嘅話更好。蜆介鯪魚球外脆內彈嘅鯪魚球點上鹹香味十足嘅蜆汁，立即感受到濃濃嘅潮汕風味。單食鯪魚球都唔錯，肉質彈牙，配上甜酸醬食口味都一流。煎潮州粉果潮州粉果煎完之後減低咗蒸完出黎外皮嘅黏稠，唔會一放係碗到就黏住碗底。粉果餡料同平時食嘅大致相同，只係唔會加好多粉漿入去。百合小棠菜脆條比較啖啖肉嘅鯪魚肉，呢到菜嘅口感更為豐富，多咗菜嘅甜味同爽口感。配合甜酸醬食，口味更好。乾炒牛河牛肉醃得好入味同切得好大件，炒得都夠鍋氣，但係就係濕咗啲。味道就係一般食嘅乾炒牛河。上湯菜心菜心新鮮冇渣，配合