影片
更多
2023-09-20
43 浏览
本身鍾意食蠔，bookmark咗呢間餐廳好耐，終於試咗啦 一入餐廳就見到一排日本產地嘅海鮮，好吸引！店內除了吧枱位，仲有榻榻米座位，環境氣氛幾有日本feel。.🦪 鐵盒燒生蠔 $240/半打 + 🧀 追加拉克萊特芝士 $43/3pcs生蠔放入鐵盒再加清酒燒煮，隻隻飽滿肥美，熟度控制得啱啱好，入口鮮嫩多汁，帶淡淡清酒味，蠔味濃郁，唔使落醬汁都已經好鮮味！其中3隻蠔追加芝士，店員喺面前將芝士刮落蠔上面，食落蠔鮮味更添鹹香。一半原汁原味，一半芝士濃香，兩種風味雙重滿足(´ ᵕ｀*) .🦪 特大吉列蠔 $78/2pcs 外層炸皮幾薄身，炸得金黃酥脆，食落唔會有油膩感，蠔肉keep到鮮嫩多汁，搭配燒汁同他他醬，伴碟柚子汁沙律菜清新爽脆。.🦪 牡蠣餃子雞翼 $68/1pc呢款菜式都係第一次食，雞翼起骨後釀入原隻牡蠣，望落脹卜卜。燒雞翼皮脆肉嫩，同牡蠣幾夾，蘸埋辣辣地嘅柚子醬更惹味。.🥚 明太子芝士玉子燒 $108玉子燒蛋味香濃，口感非常濕潤柔嫩，入面包住明太子芝士，切開有流心拉絲嘅效果，鹹香滋味。.🦆 自家製紫蘇入鴨 $118見到個名幾特別所以試吓，免治鴨肉拌入紫蘇葉，口感結實帶淡淡紫蘇葉獨特香
.
🦪 鐵盒燒生蠔 $240/半打 +
🧀 追加拉克萊特芝士 $43/3pcs
生蠔放入鐵盒再加清酒燒煮，隻隻飽滿肥美，熟度控制得啱啱好，入口鮮嫩多汁，帶淡淡清酒味，蠔味濃郁，唔使落醬汁都已經好鮮味！其中3隻蠔追加芝士，店員喺面前將芝士刮落蠔上面，食落蠔鮮味更添鹹香。一半原汁原味，一半芝士濃香，兩種風味雙重滿足(´ ᵕ｀*)
.
🦪 特大吉列蠔 $78/2pcs
外層炸皮幾薄身，炸得金黃酥脆，食落唔會有油膩感，蠔肉keep到鮮嫩多汁，搭配燒汁同他他醬，伴碟柚子汁沙律菜清新爽脆。
.
🦪 牡蠣餃子雞翼 $68/1pc
呢款菜式都係第一次食，雞翼起骨後釀入原隻牡蠣，望落脹卜卜。燒雞翼皮脆肉嫩，同牡蠣幾夾，蘸埋辣辣地嘅柚子醬更惹味。
.
🥚 明太子芝士玉子燒 $108
玉子燒蛋味香濃，口感非常濕潤柔嫩，入面包住明太子芝士，切開有流心拉絲嘅效果，鹹香滋味。
.
🦆 自家製紫蘇入鴨 $118
見到個名幾特別所以試吓，免治鴨肉拌入紫蘇葉，口感結實帶淡淡紫蘇葉獨特香氣，唔會有鴨羶味。
.
🍲 北海道海膽釜飯 $380
釜飯面先鋪上櫻花蝦同鮮菇煮熟，店員再拌入三文魚籽、海膽、檸檬葉等，幾種唔同食材拌勻一齊食，口感味道豐富。海膽融入飯粒，加上鹹鮮嘅櫻花蝦同三文魚籽，令釜飯更濃郁鮮味。
.
總括而言：餐廳地方唔算好大，但座位闊落，用餐環境舒適，服務亦好好。主打日本牡蠣，好多菜式都會加入牡蠣，其他日式料理水準亦不錯，啱晒鍾意食日本嘢又鍾意食蠔嘅朋友(●'◡'●)ﾉ
张贴
