喜多嬉牡蠣屋 (已結業)

今次呢間餐廳已經bookmark咗好耐, 係蠔迷必去嘅地方😍 餐廳位於中環LL Tower, 近中環半山扶手電梯🤗餐廳主打兩小時任食日本生蠔😍😍一坐低先嚟懷石料理八品、賣相好靚，即刻第一時間打卡✌️串燒、炸物同小食，仲送每人一份牡蠣茶漬飯或者手打烏冬加甜品。飲品方面亦有多款無糖茶同梳打👍加$88 仲可以包埋果酒、梅酒同燒酎無限飲🍶今次食$538 特選生蠔放題，生蠔由日本 (北木島牡蠣) 養殖場直送嚟香港🇭🇰生蠔有原味、柚子啫喱、辣椒蘿蔔蓉、蔥花、昆布漬同雞尾酒汁 6 款口味。焗蠔有清酒、蒜味、辣蒜味、麻辣、芝士同冬陰公都係6款✨每樣試一隻剛好一打😍😍另外串燒都係任食👌雞翼, 雞腎, 雞腿肉, 雞心、雞皮,羊肉, 五花腩, 翠肉瓜，茄子，冬菇，秋葵，大蔥車厘茄等等，仲可以點小食👉自家制一夜干燒魚、雞皮餃子同美國西冷牛扒，啱曬三五知己一路飲酒一路食串燒😆