The Oyster House (已搬遷) 新店位置

之前黎食過一次，覺得性價比好高，趁着老公生日，又返嚟encore。老公好鍾意食生蠔，所以喺餐廳職員推介下，我哋每人叫咗一隻Yellow stone，Choices of today同Irish rock no.2。Yellow stone鹹水味重，肥美。Choices of today來自法國，清淡啲、甜啲、爽口彈牙。Irish rock no.2就淋身滑口啲，重蠔味，唔建議加檸檬，因為會搶咗個鮮味。另一個starter我哋叫咗kale & pumpkin salad，南瓜較硬身，羽衣甘藍好爽口，合桃好重nuts味，好香，配上佢本身嘅醋，成個沙律好Fresh。食完啲冷盤好想暖下個胃，叫咗個餐廳少見嘅蠔湯。個湯好結身好濃味，oyster lover必試。最後個main繼續蠔！呢個oyster orzetto，個Parma ham風乾到好脆，同平時食嘅口感好唔一樣，香口好多！至於米形意粉嘅口感亦都好得意！好似食緊risotto咁，好飽肚。