一番風味 (已結業)

這間一番風味，位於灣仔道，銅鑼灣與灣仔中間。坐地鐵去灣仔，行過去時代廣場會經過。室內裝修係懷舊大排檔主題，但絕對清潔乾淨。菜單上菜式主要係中菜、港式粵菜為主，而且其中海鮮相當吸引。上次食完個蟹粥、賴尿蝦已經好飽，叫唔到其他菜。今次就同朋友試吓其他菜式。日式鵝肝炒牛柳粒（$108）牛柳粒肉嫩味美；鵝肝香、且味道濃郁，口感柔軟。鵝肝的油脂與牛肉配合起來，增加了一份特別的味道層次。如果本身喜歡吃威靈頓牛肉，這一道菜會是你的摯愛。金榜醬蟹煲（$298）去到一番風味，又點可以唔食蟹？這個都非常出名，金榜醬有非常香嘅椰汁喇沙味，上碟嘅時候，遠遠已經可以聞得到。蟹肉已經吸收晒多種香料煮成的金榜醬。一磅重嘅肉蟹，請慢慢品嚐隻大蟹鉗另外金榜醬汁本身都已經吸收左成隻蟹嘅精華，用嚟撈飯、法包已經一流。黃金軟殼蟹（$58）超級抵食！鹹蛋黃香味濃郁，本身已經脆皮嘅軟殼蟹，用鹹蛋黃炸左之後，口感層次進一步提升。雖然啖啖肉都有鹹蛋黃好正，不過年紀大嘅人，要小心心臟啊！蒜蓉粉絲蒸扇貝（每隻$48）簡單但是常見的煮法，而且更加能夠突顯扇貝味道。扇貝肉彈牙，大大隻、啖啖肉。