影片
更多
2019-01-16
2149 浏览
新既一年又係時候食好啲啦，今次男朋友約咗我去尖沙咀試呢一間嘅日本料理，聽聞有我最鍾意食嘅甲羅燒，睇見網上面有唔少好評，感覺應該唔錯，一於試下！一入到去個環境好似居酒屋咁，可能我哋比較早到，所以唔係咁多客人，但係過咗一陣就成場爆滿，真係好彩我哋早到啫！先叫啲小食同刺身試下， 分別叫咗個牛油燒一口蕃薯同埋甜蝦刺身，再叫咗兩杯嘢飲， 左邊嘅係白桃梳打，右邊嘅係檸樂Highball。飲品嘅味道都唔錯，尤其係白桃梳打，有唔少嘅白桃粒粒，好香桃味，女仔會好鍾意。一口蕃薯方面，有好重嘅牛油味，加上番薯嘅甜味，夾埋脆脆地又淋淋地，外脆內軟，真係好香口，食極都停唔到落嚟， 送酒真係唔錯，可以一邊食一邊傾計。而呢一啲嘅甜蝦刺身都幾大隻，每隻都有手指咁粗，味道好甜，肉質好爽口，都幾新鮮。三文魚刺身刀切得幾厚 可以食到三文魚嘅油脂甘香，不過得三件就唔係幾夠喉，有少少想追加，不過都係要留番個肚食其他嘢。留番個肚就梗係食我最鍾意嘅甲羅燒啦，店員好細心咁幫我哋將材料混合，將鵪鶉蛋倒入蟹肉蟹膏上面，混合完再用爐火燒到佢香口為止。甲羅燒滿滿嘅蟹膏真係非常甘香香甜，仲有一粒粒嘅蟹籽脆卜卜咁， 有層次得嚟又濃又creamy
一入到去個環境好似居酒屋咁，可能我哋比較早到，所以唔係咁多客人，但係過咗一陣就成場爆滿，真係好彩我哋早到啫！
先叫啲小食同刺身試下， 分別叫咗個牛油燒一口蕃薯同埋甜蝦刺身，再叫咗兩杯嘢飲， 左邊嘅係白桃梳打，右邊嘅係檸樂Highball。
飲品嘅味道都唔錯，尤其係白桃梳打，有唔少嘅白桃粒粒，好香桃味，女仔會好鍾意。
一口蕃薯方面，有好重嘅牛油味，加上番薯嘅甜味，夾埋脆脆地又淋淋地，外脆內軟，真係好香口，食極都停唔到落嚟， 送酒真係唔錯，可以一邊食一邊傾計。
而呢一啲嘅甜蝦刺身都幾大隻，每隻都有手指咁粗，味道好甜，肉質好爽口，都幾新鮮。
三文魚刺身刀切得幾厚 可以食到三文魚嘅油脂甘香，不過得三件就唔係幾夠喉，有少少想追加，不過都係要留番個肚食其他嘢。
留番個肚就梗係食我最鍾意嘅甲羅燒啦，店員好細心咁幫我哋將材料混合，將鵪鶉蛋倒入蟹肉蟹膏上面，混合完再用爐火燒到佢香口為止。
甲羅燒滿滿嘅蟹膏真係非常甘香香甜，仲有一粒粒嘅蟹籽脆卜卜咁， 有層次得嚟又濃又creamy，如果呢一個甲羅燒可以配上麵包條，或者餅乾，相信會更加正！
而呢一個什錦天婦羅都唔錯，除咗有一般嘅茄子、秋葵、冬菇、海蝦外，仲有魚肉，同出面嘅天婦羅有少少唔同，不過同樣都炸得好香口，加埋啲天婦羅汁同蘿蔔蓉食味道一流！
而另一個重點就係南瀛卷，亦都係呢度嘅名， 眼見唔少客人都叫，我都唔執輸，叫一個試下。
除咗有滿滿嘅海膽之外，亦有一大隻嘅甜蝦，同吞拿魚蓉、三文魚籽， 絕對係誠意之作，鍾意食海鮮嘅人唔可以錯過！
如果海膽真係好大塊，簡直粗過我隻手指， 我呢啲海膽迷嚟講，真係好大嘅誘惑。
跟住我哋仲叫咗個燒帆立貝， 店員簡簡單單咁落咗少少嘅醬油，就咁將帆立貝燒好畀我哋食，咁可以保留到帆立貝嘅鮮味。
帆立貝味道鮮甜，加上都幾厚肉，咬落唔會韌，唔錯。
清酒煮蜆亦都係居酒屋必叫嘅菜式之一，雖然簡單，但係飲落真係好暖身，淡淡嘅清酒加上蜆肉嘅鮮甜，係冬天食就真係啱曬。
最後用呢個和牛炒飯做結尾，一粒粒嘅和牛粒切碎炒成飯，令到飯粒沾滿牛肉嘅香氣，飯炒得夠乾身而唔油膩，不過鍾意食重口味既我就會落多少少鹽再吊下味，咁就perfect！
张贴
