一番風味 (已結業)

菠蘿罩墮婆一出更表即刻約佢去每月一聚。以前，佢係老銅反工，細細個已經帶我去唔少好食處週圍去，自讀完大學回港後，她就成我識食兵團主力成員，喜歡她的有食力，跟愛吃之人吃好西是大快樂之道呀。而家我過左港島反工，多左好多呢邊搵食，今晚就同佢去左食蟹粥。招牌羔蟹粥328兩個女仔食一煲都幾丰富，蟹味幾鮮甜，羔同肉亦唔少，粥品吸收曬其海鮮香，連個綿綿粥底都甜賣，無得輸，蟹亦有肉食，唔係得個樣，價錢亦唔算貴，令我唸起從前我地去澳門一齊食蟹粥呢。努力下全部食曬，無做大曬鬼嫁小菜好經濟，份量無想像中咁細：豉汁炒蟶子皇42隻x2入口好彈牙，好新鮮呀，豉汁好惹味，令蟶子無曬海鮮腥，又唔會死咸，加上簡單既彩椒洋蔥已無得輸。脆皮牛腩78喉嚨痛既我試左，牛腩炸到好脆，但拖左油唔算油，外脆內軟，質地唔un，好好0趙而且仲幾咁鬆化嫁。用了七味粉提味，唔太搶牛肉原味。幾抵食。食後感：一般小炒價錢同九龍區差唔多，所以覺得幾抵。不過今晚主攻蟹粥就想食多點海鮮，海鮮宴無咁飽，因為二人食一煲蟹粥已飽飽。上菜好快，店員有笑容，裝修幾得意，不錯呢。P.S. 驚喜位，竟然唔洗收加一既。賣單一人二百幾，平過過大海。