明軒小館

营业中

休息中

餐廳光猛闊落, 非常有空間感, 側邊有一個開放式廚房可以見到師傅手工拉麵。午市一人招牌套餐 $𝟸𝟼𝟾𓆹 山珍湯𓆹 蟹粉小籠包𓆹 禿黃油糯米燒賣𓆹 至尊蟹粉撈麵 / 至尊蟹粉伴飯𓆹 寧波芝麻湯丸山珍湯裡面有好多菇菌同竹笙, 菇味香濃, 飲落暖笠笠。點心三選二, 揀咗蟹粉小籠包同禿黃油糯米燒賣, 蟹粉小籠包皮薄多汁, 糯米燒賣煙韌有咬口。有一盤暖住嘅蟹粉放喺度可以自己撈麵, 闊麵由師傅現場手工拉製, 所以非常彈牙, 撈埋蟹粉一齊食, 味道一d 都唔腥仲好鮮甜, 好好食! 另外, 白飯配蟹粉亦好滿足, 加少少薑粒黑醋更提鮮。最後以寧波芝麻湯丸做結尾, 甜甜嘅湯丸配薑味十足嘅湯底, 好滿足!