蟹仙海鮮蒸氣鍋 (龍崗道)

营业中

休息中

#蟹仙伙記係門口招攪，疑似老闆娘話老闆係做批發所以新鮮叫我入去試下。我地未諗再食咩又鐘意海鮮🦞所以都入左去。可能係頂手做，所以係茶餐廳格局。要左最平$298個餐但都有蟹同龍蝦食，除此之外仲有鮑魚、元貝、貴妃蚌、海中蝦、龍躉片、青口、蔬菜🥬籃。最後會食埋個粥。先入料入鍋做粥底。再蒸野食。龍蝦🦞中等身裁，唔算細仔，肉質實淨，但海水🌊味好重，所以有啲偏咸。蟹，揀左越南頂角膏蟹，大隻而且真係好多膏。蟹如其名，d 膏多到頂到蟹蓋角。如圖：最後個粥比較稀似潮州粥，鐘意糊d可以煲耐d。P.S 員工話套餐有可能因應當日貨源供應而作出變動。所以建議去食前先打去查詢有無心水套餐，以免失望。