海景咖啡廊

营业中

休息中

好耐冇食過自助餐喇，係openrice搵搵下，見到呢間餐廳做緊我最鍾意食嘅蟹做主題，所以就決定黎試下。 黎到嘅時候，我已經比佢果隻阿拉斯加王帝蟹吸引左目光，不過就要嬴左個遊戲先有得食。講下冷盤先，一般嘅長腳蟹，面包蟹，青口，海螺，煙三文魚都有供應。至於生蠔方面呢，就有三款即開生蠔供應，雖然size就細左D，但係勝在味道鮮甜，加上三款生蠔都可以任食，算係唔錯喇。刺身方面除左一般應有嘅刺身之外，仲有帶子同甜蝦供應，一供有七款可以選擇，算係唔錯喇。到左熱食方面，一般嘅自助餐都有嘅牛同羊我就唔多講喇，主要都係講下蟹喇。唔知係咪開始入秋呢？熱食佢地就有奄仔蟹蒸糯米飯，呢個奄仔蟹蒸糯米飯味道相當唔錯，糯米飯完全吸收左蟹嘅精華，糯米飯加上蟹肉同蟹膏一齊放入口食，再配埋個冬瓜蟹肉羹，呢種感覺真係要親身試過先可以明白。