螺鼎記 (已結業)

前排同朋友出街，佢問我有無食過‘’螺絲粉”，我話點會未食過呀，原來佢講緊嘅唔係平時西餐嗰啲螺絲粉，係近年內地好出名嘅風味小食螺獅粉。傳說中螺獅粉係臭㗎，我就一直心思思想試下究竟點臭呢？ 🤔今日嚟到西九龍中心food Court 見到有間食螺獅粉嘅，二話不說就要試下先。 我揀咗個招牌螺獅粉，配菜有酸筍、花生、木耳絲，油炸腐竹，味道酸酸哋幾醒胃，螺絲獅粉食落去感覺似米線咁，都幾爽滑，而且唔多覺有臭味，可能我個人接受到酸筍嘅味道。我仲加咗好多餸，香腸、福健肉丸、虎皮鴨掌。虎皮鴨掌醃得幾入味。 老公揀咗炸蛋螺獅粉，上面鋪咗一層炸脆嘅蛋餅，極之邪惡！😈配料方面同招牌嗰個不相伯仲，主要多咗隻炸蛋，不過我自己嗰碗最後都加埋炸蛋。 下次嚟開西九龍中心，你又不妨試下佢呀。