五匠六釜

营业中

休息中

今日去咗啟德嘅新商場Airside，試咗6樓一間叫五匠六釜嘅京川滬菜，今次試咗好多唔係好辣嘅菜式都相當之美味，下次再嚟試吓佢哋嘅川菜先得。酸辣湯$64酸辣湯記得趁熱食，呢度嘅酸辣湯酸辣平衡做得好好，唔會太酸，辣味都好適中，入面嘅材料包括木耳等等，亦都令到成個酸辣湯嘅口感更加之豐富美味。北京填鴨半隻$168食片皮鴨最怕唔夠餅皮，呢度叫半隻片皮鴨已經有20塊餅皮，片皮鴨肥瘦適中，食到皮嘅香脆之餘又唔會太肥膩，我哋見好多人都係比片皮鴨吸引入嚟，附近好多人都食片皮鴨。螞蟻上樹$82呢個螞蟻上樹係必食嘅推介，螞蟻上樹係一個微辣嘅炒粉絲，未去到好辣，但係佢嘅麻味好出，炒得極之香，連埋個面入面嘅一啲肉碎一齊食超滋味。