蝦蝦燒

营业中

休息中

期待已久想試下蝦蝦『燒』，今日WEEKDAY放工同朋友終於來到，沿樓梯行上去就見到長長流水大頭海蝦魚缸，隻隻蝦都手掌咁大隻，非常生猛，客人可以即時用大夾夾起大頭蝦即燒即食，可能平日唔算好多人，環境寬敞舒適清潔，因為開行風扇同冷氣所以就算開住個電爐都唔會好大煙大味。  值得驚喜既係佢地有個迷你海鮮市場，新鮮海鮮種類算多，有鮑魚、帶子、生蠔、蚌、螺、原條黃腳立、泥鯭，大眼雞等……有職員即場處理及清洗海產，乾淨衛生。店內設有3個大冷凍肉櫃:主力推薦燒羊架、雞全翼、多春魚、豬腩肉串、蝦卷、墨魚卷、煙鴨胸、燒菠蘿、粟米等….熟食小檔:主要一般熱食，咖哩魚蛋、炒雜菜、豬紅、炸餃子等等…飲品雪櫃:多種擺放整齊盒裝、罐裝及樽裝飲品選擇，亦有無糖茶類及涼茶。雪糕櫃:多款產地雪糕杯，阿波羅雪糕杯，口味不同，比較特色有日式牛乳豆腐、蜜瓜雪糕、奶茶雪糕。總結:一進場贈送既燒鰻魚厚切肥美，值得一讚，另外以這個價錢來計算，鍾意食海鮮朋友絕對覺得值回票價，因為可以不停燒海蝦、鮑魚、帶子、生蠔、原條海魚，因為全部任飲任食，所以性價比算高。