劉森記麵家 (褔榮街)

营业中

休息中

自從前排食完雲吞蝦籽撈麵之後，心郁郁想試埋其他蝦籽撈麵 😝 所以今日再次黎到劉森記麵家，行梗入去搵位途中，熟悉嘅蝦籽香味已經係我身邊飄過，實在太邪惡喇。🤤上次食雲吞蝦籽撈麵時，對面既食客叫咗蝦籽黑柏葉撈麵，我見佢食得好滋味，所以今日就叫咗呢個嚟食。😝蝦籽撈麵未嚟時，枱上有免費醃蘿蔔比食客過下口癮。蝦籽黑柏葉撈麵 ($46) : 撈麵上鋪滿蝦籽，而隔離就係鮮嫩爽脆既蔥絲同薑絲，蔥絲下面就有黑柏葉同菜心，自己食蝦籽撈唔太鐘意配任何醬汁，只會配跟撈麵既清湯，因為唔想比醬汁既味道蓋過香濃既蝦籽味 😌 而黑柏葉就可以配搭蔥絲同薑絲，再沾上辣椒油一齊食，黑柏葉爽脆彈牙之剩外，亦感覺到清香鮮味既薑蔥味，而且還帶一點辣意，口感層次豐富。