康年餐廳 (已結業)

午飯來呢間，食秘製 XO 醬蝦球撈麵$50。蝦球欠奉，其實係中型 size 的蝦仁。唔似急凍貨，食得出有D蝦味，冇雪味。麵底幾好，軟硬適中，有彈性。秘製 XO 醬偏咸唔辣，我撈左少少算了。面層鋪滿蝦籽，冇乜味但令到成件事即時高級左，裝飾用。條菜就 hea 左DD囉，跟番餐牌張相用兩條菜芯會靚D。跟撈面的魚湯底，乳白色鮮味十足，不排除加左師傅，但真係好鮮味，忍唔住成碗飮曬，師傅有師傅的道理。奶茶香濃而且滿到不行👇，正呀！埋單 $50， 都夠飽架，唔錯啦！