康年餐廳 (已結業)

因公事同個parter來個quick lunch，工作餐可以開公司數，經常路過未曾幫襯，就借機會來踩吓線。地方装修得幾靚，乾淨。揾個位坐底，周圍望揾menu之際，有位阿姐板住塊面走過來。由個袋"Fing" 張咭出嚟，淡然一句: 今日食呢D!原來係一張手寫咭，是日午餐menu，碟頭飯+餐湯+餐飲，五蚊幾蚊。咭上寫湯有紅(羅宋)，白(忌廉)同中湯揀。我見今日係忌廉湯係龍蝦湯，就話叫"白"湯，個阿姐重覆強調咗兩次"龍蝦湯嚟架!"，我初時唔太明點解要咁講。個湯嚟到先明白，原來今日個湯唔係白色嘅! 個湯其實幾好飲，仲食到丁丁蝦肉添。飲湯之際先有機會望下玻璃檯下果張menu，有相，但D字真係好細隻，唔起眼。圖多，感覺其實冇乜野揀。午餐我點照燒石斑蟹柳意粉。來到先覺得有伏，點解照燒汁可以燴意粉? 其實佢賣相可以，仲有一片笳子，一片蕃薯(定薯仔)做配菜。不過個意粉配照燒汁感覺似食緊甜版嘅油撈面隔離檯OL 嘅魚旦粉好似仲正。仲有杯餐茶，盛惠$53。至於有冇下次? 隨緣啦!

朝早係觀塘做嘢，咁早起身當然想食過豐富早餐，經過宏利金融中心，冇諗過係咁靚嘅寫字樓裏面會有一間茶餐廳，所以諗都唔諗，就去幫襯。餐廳裏面裝修華麗光亮，睇下餐牌全都是傳統茶餐廳早餐，有四款，羅宋湯螺絲粉，沙嗲牛肉公仔麵，雪菜肉絲米粉，火腿通心粉配蛋三文治或腸仔雞蛋餐包奉送咖啡或茶。早餐一律$33，最後點了沙嗲牛肉公仔麵，腸仔煎蛋熱奶茶。早餐水準付合預期，沙嗲牛肉麵味道不錯，一日開始有個好早餐，真的很重要喔。

平時很少吃食多士﹐因為不能當正餐又不健康不過因為今次要 Hea 一小時﹐就當作"買"個位置點了個西多士茶餐﹐配凍奶茶西多士賣相不錯﹐金黃色西多盛滿鍊奶和半溶牛油 西多咬不去沒有脆邊﹐有點扣分不過很意外地吃到柚子醬！！！鍊奶＋牛油＋柚子＋西多 嗚哇 意想不到的很配﹐柚子味令整體味道更有層次更有點像平衝了甜膩的感覺﹐帶來點點清新！而奶茶不抱期望﹐因為一般4時多會用下午茶時段煮好的茶底﹐茶味應該因為放太久而較澀但這杯的茶底卻沒有放得太久﹐沖調比較剛好﹐好平衡奶 : 茶比例約 1 : 3.5 ﹐是我最愛的比例一口西多 配一口奶茶幸福感直升上天

星期六下午，一時多至二時，在我到慣的九龍城或太子一帶，是找不到泊車的地方。所以，Honey駕車到觀塘偉業街宏利金融中心，容易泊車，也不必等位開餐。之前，在這裏光顧過一間意大利餐廳，原來改開了康年餐廳。算啦，反正泊車了，不再改地點，就是試康年餐廳。內裏的裝修，尚算高雅，有吊燈、白色牆壁、黑皮梳化…而食物，是一般茶餐廳所提供的食物。無論裝修和食物，都沒有問題……偏偏員工的態度，令裝高雅的裝修和味道尚算不錯的食物，大大扣分！！我叫了菜肉餃牛腩河，配凍鴛鴦。菜肉餃、牛腩都不錯。Honey就叫了瑞士雞翼撈出前一丁。瑞士雞翼被煮得太稔，沒有肉的質感，也太甜。出前一丁也太硬，未煮透，麵質硬硬的。不過，整體而言，食物尚算不錯。但是，員工服務就……無論入座、叫餐、收拾……他們都腫口腫面，一副不情不願、拖著腳步來應付。我感受到什麼是｢背脊骨落｣！下次再到宏利金融中心的話，我會選其他餐廳的。

午飯來呢間，食秘製 XO 醬蝦球撈麵$50。蝦球欠奉，其實係中型 size 的蝦仁。唔似急凍貨，食得出有D蝦味，冇雪味。麵底幾好，軟硬適中，有彈性。秘製 XO 醬偏咸唔辣，我撈左少少算了。面層鋪滿蝦籽，冇乜味但令到成件事即時高級左，裝飾用。條菜就 hea 左DD囉，跟番餐牌張相用兩條菜芯會靚D。跟撈面的魚湯底，乳白色鮮味十足，不排除加左師傅，但真係好鮮味，忍唔住成碗飮曬，師傅有師傅的道理。奶茶香濃而且滿到不行👇，正呀！埋單 $50， 都夠飽架，唔錯啦！

試咗幾次早餐，第一次早餐跟火腿蛋三文治，三文治有啲怪味，我以為係我味覺問題。咁我就再試多幾朝早餐，點知次次都真係有一陣味，咁我就試吓轉做餐包，點知都係有嗰陣味。我搣開個餐包睇睇，原來係發毛，即刻唔敢食，我見到隔離枱都係放棄左唔食個包，所以我肯定啲包係擺係一個衛生環境唔好嘅地方，仲要擺過野，依家唔敢再幫襯。但係佢出名係做麵包，我唔明白點解會發生呢一樣事情，我諗佢哋要好好檢討，如果唔係我驚好多人食完要去醫院

最近跟得同事多，真係食多左好多包呀😂😂塊面都變到發水麵包啦🤦🏽‍♀️今次呢間包店係見到有同事係到食，感覺應該唔太差，又走黎試試佢🤣👉🏿✨雞尾包 Hkd 6 💸📌價錢中等，不過拎到上手有啲失望，係凍晒架！第2日做早餐個時別番熱佢，又幾香喎😳佢個名仲叫到係流沙雞尾包😂流沙就冇啦，不過料多麵包都軟熟，ok la ~

今日落雨, 搞到好多人留哂係室內食飯, 不過我都放得晏既, 一點半後落到黎, 諗住試下康年啦~係有位既. MENU 係哂台面, 好可惜我係2個人坐單邊4人台,問題黎喇, 台面玻璃底既餐牌呢, 都係單向既, 喂...咁你做乜安排我坐單邊? 我睇唔哂D 餐牌咯. 冇一本本畀你揀家, 就算叫阿姐羅張放係收銀既餐牌都係得部分餐牌黎, 同我單向睇到既MENU 冇分別.(因為對面有人所以唔好意思影哂成張台)阿姐又突然羅一張素食MENU 黎介紹~其實我一心去茶記係想食常餐之類, 即係湯粉+炒蛋多士呢..可惜呢度冇, 最近似既只有早餐, 即係叫唔到, 搵到個有瑞士雞翼撈丁餐 $47, 但無左重點炒蛋多士..><焗飯類$58-$65 唔跟餐飲, 又係要加$7/9 先有熱飲...感覺唔係幾抵..其實有D都抵叫既, 魚蛋粉類同埋咖哩飯類, 可惜我呢幾日都食左同類既, 咁就唔想重復喇.WELL~ 然後朋友好辛苦咁揀左海南雞飯$63, 只跟湯, 熱飲+$7/$9(唔記得)咁我都諗住算啦, 照跟啦...落完單返黎話冇哂油飯..咁我要再諗諗喇..油飯係海南雞既精髓黎家喇.朋友就照要, 我呢D邪惡既人

公司附近最近開了一間新茶餐廳，發現它的菜單有素菜，感覺很特別，因為很少茶餐廳會供應素菜，於是跟朋友說起 ，原來康年在旺角也有分店，因為我不太常去旺角所以我不知道，另外它也有賣舊式麵包，宏利這家康年很就腳，跟同事去試了幾次，個人比較喜歡它的魚蛋河，它的魚湯很鮮甜，魚蛋又很彈牙，另外我常點的就是瑞士汁雞翼撈公仔麵，瑞士汁正合我的口味，同事就喜歡它的喇沙牛肉麵，湯濃度適中，很足料，另外奶茶很重要，我是每天都要飲一杯奶茶的人，奶茶比食物好不好吃還重要，它們的奶茶很滑，而且在觀塘區它的價錢算是平啦。