影片
更多
2018-04-29
1574 浏览
香港近來引入不少過江龍，尤其是日式食品，Pancakes、壽司、燒肉、拉麵等，對於我們那些日本食迷來說，真是方便不少，過過口癮今日已經沒難度，而我認為作為拉麵控的大家就更加高興。以前拉麵大家只有味千，今非昔比，大家在香港，想吃拉麵已經輕而易舉，要幾正宗、要咩口味、要幾出名，多多都有。現在繼日本拉麵第一的麵屋一燈入主香港，今日又有北海道蝦湯神話— 「一幻」登陸，雖然我不是拉麵控，但我對蝦湯情有獨鍾，今日我決定早早排隊，一試手藝。等了半小時，好彩有得食，餐單選項不多，今次我揀鹽味原味蝦湯粗麵，務求試真其蝦湯究竟。15分鐘左右就上桌了，都幾大碗，一碗麵已有有叉燒、溏心蛋同脆蝦乾（叉燒1片、半隻溏心蛋），望落靚仔。食拉麵最重點係湯底，先飲一口湯，好濃稠，好似有幾十斤蝦煲成一碗湯咁，起初會鹹但後段蝦味同鮮味湧出，送麵食一流。好聰明地有脆蝦乾，增加咬口而添海鮮香味。我點的是粗麵（個人不喜幼麵），但比想象中有出入，不太鍾意呢種麵質，雖然不淋口，但唔夠彈牙，個人偏好再粗身點的麵條，能感受到麵的麥香同沾到較多湯汁。叉燒睇落較瘦，但不要被它欺騙，佢好軟淋但好有豬肉味，是甜的肉味。一層層的豬梅頭肉，唔鞋口，
以前拉麵大家只有味千，今非昔比，大家在香港，想吃拉麵已經輕而易舉，要幾正宗、要咩口味、要幾出名，多多都有。現在繼日本拉麵第一的麵屋一燈入主香港，今日又有北海道蝦湯神話— 「一幻」登陸，雖然我不是拉麵控，但我對蝦湯情有獨鍾，今日我決定早早排隊，一試手藝。
等了半小時，好彩有得食，餐單選項不多，今次我揀鹽味原味蝦湯粗麵，務求試真其蝦湯究竟。
15分鐘左右就上桌了，都幾大碗，一碗麵已有有叉燒、溏心蛋同脆蝦乾（叉燒1片、半隻溏心蛋），望落靚仔。食拉麵最重點係湯底，先飲一口湯，好濃稠，好似有幾十斤蝦煲成一碗湯咁，起初會鹹但後段蝦味同鮮味湧出，送麵食一流。好聰明地有脆蝦乾，增加咬口而添海鮮香味。
我點的是粗麵（個人不喜幼麵），但比想象中有出入，不太鍾意呢種麵質，雖然不淋口，但唔夠彈牙，個人偏好再粗身點的麵條，能感受到麵的麥香同沾到較多湯汁。
叉燒睇落較瘦，但不要被它欺騙，佢好軟淋但好有豬肉味，是甜的肉味。一層層的豬梅頭肉，唔鞋口，咀嚼得好舒服，蝦湯不減其肉香，好味！
我不算拉麵控，但我一定是溏心蛋控，食麵冇蛋我個人認為食麵食得唔完整，佢的蛋蛋味夠，但滷得唔夠味，加上溏心欠奉，未夠出色。但總括而言，味道是出色的。
小貼士提提您，中午Lunch time人已經好多，建議兩點後先排隊，人就會少好多，但記住3點截單，可能會食得好趕。
张贴
