影片
更多
2017-12-04
36 浏览
傍晚時分的旺角, 車水馬龍, 人及車都是川流不息, 想搵個位泊車醫肚, 兜了幾個圈都沒有車位, 兜來兜去, 兜到太子花園道, 正好見到路邊咪錶位有車準備駛離, 真是機不可失, 即刻泊入去, 泊好車可以安心去食晚飯了. 泊定車, 見到馬路對面有間細細間的鋪面, 寫住叫”蝦棧”, 於是好有興趣行過去看看, 原來是食台灣嘢的, 蝦煲是他們的主打菜. 仲有其他各式台灣菜, 於是我們推門入內, 今晚一於就食這間”蝦棧”. 入到店舖裡面, 原來門邊有一個大大的水箱, 養滿了隻隻都生猛, 在水缸裡面活蹦亂跳的大頭蝦, 咁新鮮, 一定要試試嗱, 於是我們叫了一個三杯蝦煲, 一個魯肉飯, 一個小丁香炒油麥菜, 小食叫了一碟台灣香腸, 一碟醉雞卷, 一碟炸一口豆腐, 待落晒order後, 好快, 醉雞卷便上枱了, 醉雞卷未食已聞到濃濃的紹興酒香味, 食落口, 雞肉嫩滑, 啖啖都是肉, 滿口都是雞肉及紹興酒的香味, 食一舊醉雞卷是絕對唔夠喉的, 太好味了. 跟住, 一口炸豆腐也摆在我們面前, 一個個細細舊的炸豆腐, 看上去同普通炸豆腐無兩樣, 但食起上來, 比我們平時食的豆腐的質感要硬身的, 爽口的, 好似
泊定車, 見到馬路對面有間細細間的鋪面, 寫住叫”蝦棧”, 於是好有興趣行過去看看, 原來是食台灣嘢的, 蝦煲是他們的主打菜. 仲有其他各式台灣菜, 於是我們推門入內, 今晚一於就食這間”蝦棧”.
入到店舖裡面, 原來門邊有一個大大的水箱, 養滿了隻隻都生猛, 在水缸裡面活蹦亂跳的大頭蝦, 咁新鮮, 一定要試試嗱, 於是我們叫了一個三杯蝦煲, 一個魯肉飯, 一個小丁香炒油麥菜, 小食叫了一碟台灣香腸, 一碟醉雞卷, 一碟炸一口豆腐, 待落晒order後, 好快, 醉雞卷便上枱了, 醉雞卷未食已聞到濃濃的紹興酒香味, 食落口, 雞肉嫩滑, 啖啖都是肉, 滿口都是雞肉及紹興酒的香味, 食一舊醉雞卷是絕對唔夠喉的, 太好味了. 跟住, 一口炸豆腐也摆在我們面前, 一個個細細舊的炸豆腐, 看上去同普通炸豆腐無兩樣, 但食起上來, 比我們平時食的豆腐的質感要硬身的, 爽口的, 好似食緊炸魚蛋, 但是又比魚蛋松軟些, 個口感好特別, 醮上一點他們自製的醬汁, 都可以食不停口, 這兩款小食, 食物質素及味道超過我們預期, 認真唔錯!
三杯蝦煲來到我們面前, 8隻大大隻的蝦都摆放在煲底, 散發出陣陣香辣味, D蝦頭裡面勁多蝦膏, 連埋香辣的汁一齊吞落肚, 哇! 超好味道, 蝦膏的鮮甜, 三杯汁的香辣, 我將蝦頭內的蝦膏吮到干干淨淨, D蝦肉唔駛講, 非常新鮮, 啖啖肉都是爽口彈牙的, 我們很快清空了這蝦煲, 由於這蝦煲新鮮好味, 大家一致要求要encore, 於是我們又叫了一煲胡椒蝦煲.
清晒三杯蝦煲後, 小丁香炒油麥菜上枱了, 原來小丁香是小魚干, 類似我們廣東菜豆球鯪魚炒油麥菜, 一樣都是咁好食的, 這碟菜我都好鐘意!
見餐牌上仲有道菜叫黑麻油雞煲, 大家都非常有興趣, 而且我們食了咁多款菜式之後, 覺得這間的食物樣樣都好味道, 非常啱我們的口味, 於是我們再加單, 加了這道黑麻油雞煲.
胡椒蝦煲同三杯雞煲一樣, 都是有8隻大大隻的蝦摆放在煲底, 仲有見到很多整粒的胡椒顆粒及蒜片在煲底, 仲聞到陣陣胡椒香味, 這胡椒蝦煲沒有三杯蝦煲咁辣, 但D胡椒味又是另一番味道, 連蝦肉一齊食, 似是在食新加坡名菜胡椒蟹, 非常好味! 我們食了二款蝦煲, 二款唔同口味, 但一樣都是好味道, 對於我這個鐘意食蝦的人來講真是大飽口福, 食到舐舐脷. 正!
黑麻油雞未上枱已聞到麻油香, 証明店家真是用的真材實料的黑麻油, 直到個雞煲放在我們面前, 我們見到個煲內有好多舊雞, 被淺黃色濃濃的雞湯浸住, 雞湯及麻油的香味四溢, 令人垂涎欲滴. 各人都急不可待的先舀了一小碗湯來飲, 雞湯非常鮮甜, 仲有少少姜味, 而D雞肉多汁鮮嫩, 真係湯好飲! 雞好食!
無論是小食, 蝦煲, 抑或雞煲, 這間不起眼的小店著實讓人惊喜, 味道相當出色, 無意中找到的小店, 出品卻是勝人一籌, 真係值得俾個”like”佢.
张贴
