蝦蝦燒

营业中

休息中

🤩🤩🤩有咁多野食，又有得自己夾蝦，真係勁抵唔係講笑，仲要係所有海鮮任食，店員亦會不斷refill，包保你一定有得食，自己夾蝦，有得玩，d蝦真係札札跳架，好新鮮，每隻都大大隻，其他海鮮例如花甲，大蜆，扇貝，鮑魚，蠔，魷魚，都好大隻好新鮮，仲有既就係有全條魚俾你自己慢慢燒🤪🤪真係好正，最值得一提既就係佢哋一開始送既燒鰻魚，真係勁好味，我一直以來都唔食鰻魚，好怕鰻魚既腥味，但佢地既鰻魚燒完之後我竟然都可以自己食好多，因為真係好好食一啲都唔腥，但就無得再拎，每人只會有一串，但都已經好大條了👍🏻👍🏻除咗海鮮之外，佢哋仲有好多款肉類，蔬菜類，丸類俾你去燒，唔止架，仲有熟食俾你等燒之前食下架，真係一d都唔失望，一d都唔貴，真係好抵好抵👍🏻👍🏻仲要有2.5小時任你食，而家呢個市道環境真係做唔到呢種質素，店員服務態度好好👍🏻值得讚，整體真係可以同朋友黎玩下食下開心下🥰🥰🥰