火鍋撚 (染布房街) (已結業)

成日經過見到火鍋撚衙門咁既門面同門口個兵馬俑,但真係入去打邊爐今次都係第一次試~星期5晚9點半, 上到去竟然仲係滿座, 下次要早D卜定位先得!蜂巢豆腐白湯鍋 $160平時成日食黎食去都係花膠雞湯, 乜乜養生鍋咁, 依個蜂巢豆腐白湯鍋又好似比較少見, 清清地試下!用上雞同豬骨自家熬製, 奶白湯底賣相吸引, 入口濃郁香甜, 口感細滑, 一定要飲番兩碗先開始打邊爐!蜂巢豆腐好似海綿咁索哂湯汁, 精華盡入口中, 除此之外仲有鴨血, 口感彈滑!咁靚既湯底唔好浪費, 一定要食海鮮, 咁就鮮上加鮮。蟶子皇 $52/隻大隻新鮮無沙! 味道鮮甜, 焯45秒就岩岩好, 嫩口彈牙! 無縮水, 煮完都係大大抽!九肚魚 $40少見D既火鍋料, 叫左半份都好夠兩人食, 口感滑嘟嘟, 好味~桂花蚌 $68一樣鮮味彈牙, 果然用依個湯底配搭無錯, 唔會遮蓋左海鮮鮮味!