蛇王芬

营业中

休息中

今晚阿媽話唔煮飯，出街食，冬天梗系要去補一補啦，我地就決定去蛇王芬食蛇羹，呢間唔大，所以經常要等位，已經叫阿媽提前去攞位喇，但都系要等20分鐘左右，呢間店環境都算可以嘅。店名都叫蛇王芬，所以嚟呢度一定要食蛇，而家最中意就系呢個蛇羹喇，睇佢裝唔曬，以為好大碗，其實只系好細一碗，只系配料堆得好高，但料足，價錢小貴，一細碗就要120港幣，但真系好食，食過你就覺得值喇。上邊鋪住兩件脆皮，我覺得要放入湯浸淋，吸收左湯汁先好食，湯入邊有雞肉絲，瘦肉絲，蛇肉都系撕成絲，加埋冬菇一起煲，料足湯自然靚喇，好清甜，好香嘅蛇肉味。豉油雞以前食過覺得一般，但今次嚟食又覺得幾好食，雞肉好結實，煮嘅時間又剛剛好，好滑，又入味，好香嘅豉油味，但又唔系顯得好咸，有進步，唔錯。