影片
更多
2023-01-23
187 浏览
蘭桂坊有好多唔同類型嘅餐廳，之前都嚟過呢邊食過好幾間餐廳，次次都有驚喜。今次就嚟到位於24樓嘅意大利餐廳Aria，裝修係以歌劇院風，復古得來又非常cozy。餐廳內部地方寬敞，空間感十足，仲有戶外嘅位置，可以飽覽中環嘅夜景。一坐低侍應就送上熱辣辣嘅酸種麵包，外脆內軟，食落口感鬆軟，配埋橄欖油及意大利黑醋味道口感都一流。。。🔘Kagoshima Wagyu Rib Eye A4($298/100g)評分:🌕🌕🌕🌕🌗評語:通常都係同侍應講想要幾多手指既闊度，因為佢哋都比較難預計個份量，而且切咗落去就返唔到😂 後來都有同個男經理傾偈，佢話通常一指大約係250-350g，呢到minimum 200g，原因係太薄其實都食唔到牛嘅精髓。由於已經叫咗好多嘢食，所以要one finger但點知切完出黎大約係500g😂所以話真係完全預計唔到個份量，建議大家如果要食呢個rib eye可以先order咗，睇吓最後切出嚟有幾多gram再決定叫其他嘢食，如果唔係會超飽😂😂😂和牛煎得非常出色，入口肉汁超豐富，叫左medium，我覺得岩岩好，肉質粉嫩，而且油脂分布非常均勻，入口即溶，唔洗加任何配料，已經好夠味！。。F
一坐低侍應就送上熱辣辣嘅酸種麵包，外脆內軟，食落口感鬆軟，配埋橄欖油及意大利黑醋味道口感都一流。
。
。
🔘Kagoshima Wagyu Rib Eye A4($298/100g)
評分:🌕🌕🌕🌕🌗
評語:通常都係同侍應講想要幾多手指既闊度，因為佢哋都比較難預計個份量，而且切咗落去就返唔到😂 後來都有同個男經理傾偈，佢話通常一指大約係250-350g，呢到minimum 200g，原因係太薄其實都食唔到牛嘅精髓。由於已經叫咗好多嘢食，所以要one finger但點知切完出黎大約係500g😂所以話真係完全預計唔到個份量，建議大家如果要食呢個rib eye可以先order咗，睇吓最後切出嚟有幾多gram再決定叫其他嘢食，如果唔係會超飽😂😂😂和牛煎得非常出色，入口肉汁超豐富，叫左medium，我覺得岩岩好，肉質粉嫩，而且油脂分布非常均勻，入口即溶，唔洗加任何配料，已經好夠味！
。
。
Fettucine Al Pesto $218
評分:🌕🌕🌕🌗🌑
評語:自家製意粉口感超煙韌，好掛汁。
職員有同我哋介紹傳統嘅意大利粉會相對地比較偏硬，口感al dente ，食落非常有嚼勁。Pesto食落幾清新，味道比較清淡，只係用咗羅勒、橄欖油，食落都唔會太乾身🤪
。
。
Whole Grilled Sea Bass $418
評分:🌕🌕🌕🌕🌑
評語: Sea Bas夠哂份量，4人食都絕對無問題🤭而且烤得剛剛好，外皮香脆，但同時保留到魚肉嘅鮮嫩，仲可以落埋檸檬汁，進一步提升魚嘅鮮味！
。
。
Sliced beef with truffle dressing $218
評分:🌕🌕🌕🌕🌑
評語: 呢個作為前菜相當唔錯，但份量都比想像中多，配埋沙律菜同芝士，好清新！
。
。
🔻食物質素高🫶🏻
🔻裝修環境氣氛都一流，幾適合情侶過嚟食飯！
推介指數: ⭐⭐⭐️⭐️
张贴
