芝加哥串燒酒場

今日去到蘭桂坊，想搵個地方飲吓啤酒食吓嘢，朋友推薦芝加哥串燒，食物價錢合理又有風味，一於啤啤佢！呢度食物以串燒、炸物為主，仲有好多不同種類嘅啤酒雞尾酒，啱晒愛酒人士，放工後過黎輕鬆下！秘製風味羊肉串，羊味十足！炭燒牛扒，牛舌，都燒得非常香口！燒豬大腸、燒雞心，燒得乾身，皮脆肉嫩，送酒非常一流！燒秋葵，翠玉瓜，燒鮑魚，都唔錯。燒大啡菇真係好正，啖啖肉好juicy!邊食串燒邊嘆啤酒十分寫意，基本上人均消費三百多元已經可以食到好飽仲有酒飲，呢個價錢係老籣黎講性價比算係幾高！