芝加哥串燒酒場

Chill住食串燒😋以往食串燒我多數幫襯小食檔，外賣返屋企食但次次返到去都會凍晒~要再整返熱，但都已經唔係啱啱燒起嗰回事呢日就有朋友帶我去 #芝加哥串燒酒場 （中環）同我講話啲串燒好正😍於是我就叫佢發板，揀啲佢認為最正嘅嘢畀我食，分別有煙燻和牛牛舌、一口和牛串、碳燒牛扒、燒牛肋條串、即燒乳豬、炭燒豬頸肉、雞肉軟骨棒、燒雞翅包肉、玉子燒、味噌甲羅燒、燒明太子多士、雞皮餃子、鹽燒雞皮同埋炸活白鱔骨😋.當中我覺得必須要試嘅絕對係燒乳豬！佢係除咗燒到皮脆肉嫩，仲落咗香草落去調味，呢個西式整法個人覺得好食過傳統中式燒乳豬🐷另外，燒玉子燒我係第一次食，面對好似有層焦糖化咁嘅口感，食落好特別最可惜係想試嘅燒白鱔當日係賣晒😭冇得試，之後再去真係要試吓佢，隔離枱一路食一路話好好食🥺嘢飲就一杯Saturday一杯Sunday嘅mocktail🍸🍹都係比較fresh嘅，食住串燒飲可以解膩