優點心 (已結業)

放工去蘭桂坊飲嘢，但去吧之前總要食啲嘢，見到路邊有個阿姐派街招，有點心食👍 望望地址是橫街小舖，一於去幫襯下😅一張點心紙睇曬，有蒸有炸， 有什有齋 ，樣樣齊全😊醋香黑木耳， 酸酸味味，爽爽甜甜，開胃小食😋食點心點少得蝦餃，不過呢度嘅蝦餃比較特別~黑松露蒸蝦，黑松露份量唔少喎，連埋蝦餃食我都係第一次，味道唔錯 ，蝦新鮮爽口👍人參上湯小籠包的湯人蔘味重， 不過呢度嘅小籠包似水餃多啲😬芝麻黃金蝦餅 ，煎得香香脆脆，裏面塞滿咗蝦肉， 新鮮炸出來小心燙口喎😝淮山脆脆， 脆脆包住裏面嘅淮山 酸酸甜甜，有啲奇怪?點解淮山會酸呢?但味道又幾特別喎😋多口問下侍應，佢話原來裏面嘅淮山加咗梅粉，難怪咁突顯到淮山嘅味道啦!想飽肚，呢隻原隻雞翼糯米雞就一定必食啦， 份量同size夠大，似足以前舊茶樓嘅糯米雞😅 好少地方會食到㗎喇😆黑芝麻紫菜湯，好香!檸檬黑麥汁，口感喝起來很像啤酒，可是卻沒有酒精😍有介紹說釀造過程前半段與啤酒相同，但唯一的差別在於後半段停止發酵，將澱粉轉換為單醣，所以沒有酒精成份，卻保留了啤酒的香味。我第一次飲，味道特別👍這裏沒有保利壽眉茶卻有花茶， 朋友選檸檬草薑茶，味道清新，消膩佳選😍連串燒