吉野家 (鴻都大廈)

营业中

休息中

同同事做完曬一日要做嘅工作,一齊行咗去旺角覓食, 當行到去豉油街吉野家嘅時候,我同我同事都異口同聲的話要把握下午茶時段最後三分鐘作最後衝刺! 今次我就揀咗一個較為新啲嘅飯, 佢嘅全名係”蘑菇薯蓉雞絲飯”第一啖入口我係先試一試個汁嘅味道, 我覺得係偏鹹,但甜度適中! 當混合醬汁同埋白飯然後進食個下就覺得佢個鹹甜比例還算啱啱好唔會覺得太鹹!依一個飯嘅雞絲唔算多, 其實可以話係算少, 我本人喺咀嚼啲雞絲嘅時候,就覺得佢冇乜雞味, 薯蓉亦都唔係特別食得出,因為佢已經融化喺汁裏面.  但係我最想同大家分享嘅就係呢個飯應該係絕大部分人都好容易接受到,而佢嘅味道係香港人都會覺得似曾相識嘅, 佢就係好似"金寶忌廉蘑菇湯"嗰味道!總括嚟講依一個蘑菇薯蓉雞絲飯,我覺得好適合香港人口味值得一試!