影片
营业时间
今日营业
07:00 - 22:30
星期一至日
07:00 - 22:30
以上资料只供参考，请与餐厅确认详情
今朝嚟到旺角食早餐，一直以嚟都未食过吉野家啲南瓜粥、今次就试吓。今次叫咗樱花虾南瓜粥+炒面，配日本茶。早餐卖相唔错，味道都好好👍🏻如果堂食可以唔用外卖餐具，就更好更环保。餐厅环境都算干净企理，座位都多。值得一赞嘅系，员工服务态度好好。我去柜枱买早餐嘅时候，仲有几分钟就过早餐时间。因为员工唔确定粥仲有冇货，就去厨房帮我睇睇。睇完之后已经过咗早餐时间，机都落唔到单，员工就帮我额外落单。由我嚟柜枱买到攞餐嘅过程，员工都系好有礼貌，好乐意帮客人咁。呢啲服务态度真系少有喇，抵赞👍🏻
继续阅读
今日试咗吉野家嘅外卖自取，叫咗个B14鳗鱼牛肉双拼丼。整体嚟讲，呢个餐算系有赞有弹。先讲牛肉部分，牛肉汁多而且牛肉量多，真系抵食！每一口都充满咗浓郁嘅味道，食落去好满足🍖不过，鳗鱼就冇咁出色，味道比较一般，可能系因为期望高咗啲。不过，以呢个价钱嚟讲，算系对得起个价钱，唔会话太失望。下次可能会选择返普通牛肉丼，因为牛肉真系好味🐟至于日本茶，味道唔会太浓亦唔会太淡，饮落去感觉中规中矩，冇乜特别之处。不过，配搭呢个餐都算系唔错，唔会抢走主菜嘅风头🍵总括而言，呢次嘅餐点体验算系满意，特别系牛肉部分。如果你都钟意牛肉，呢个双拼丼可以一试。不过，如果想试鳗鱼，可能要有啲心理准备。下次再试其他餐点，期待有更多惊喜！
继续阅读
炸物丼一直都人气高企金海老吉列丼有齐金海老、多春鱼及茄子炸物材料咁丰富，松脆可口再配上烧汁，真系够晒惹味重点系又好食又吸睛，超igable/如果想丼饭更丰富可额外加配多一份金海老、多春鱼及茄子或者以优惠价将餐饮升级至夏日特饮 (巨峰乳酸特饮、菠萝乳酸特饮及黄金香橙绿茶)
继续阅读
今日俾啲家姐大佬们搞到 schedule 全部无办法跟到， 刚刚先有机会食第一餐！谂住入 吉野家食个 下午茶餐！店员同我推介佢哋个 极上和牛井， 又听佢讲试一试！ 牛饭做好， 有十分好火烤过的牛肉香味！试一试件和牛，有惊喜👍👍👍 正 👍👍👍跟著食饭，原来成碗都喺 和牛啲油！！ 食真心好食，净喺有啲罪恶惑😅😅😅😅
继续阅读
今日出旺角做facial，夜晚约左朋友睇戏，中间时间当然食个dinner先，谂唔到食咩好，朋友问食唔食打边炉，我觉得星期六去正常火锅店打边炉一定好多人排队，而且价钱都会比较贵，所以我提议去食吉野家打边炉依家吉野家晚市堂食火锅得番半放题比你拣，变相食既价钱贵左30几蚊，佢任食既食物选择唔多，火锅配料多左，任饮可乐，本身食最平价个个火锅既我觉得唔太抵，不过可能无左平价火锅，少左一堆人入尼食火锅，7点几揾位都大把位，以前7点后就要有排等位🤔
继续阅读