牛魔 (已結業)

呢間燒肉bookmark咗好耐，平日時間預約咗嚟到都要等一等，主打環球和牛燒肉盛宴。 《蘋果木煙燻松露和牛他他 $158》是禾的生牛肉初體驗，幾有驚喜。一打開就有蘋果木煙霧湧出，先嚟個視覺嗅覺體驗。再將生月見、蔥蒜（但佢畀漏咗啲蘋果絲我，口感差好遠🤧🥲）放入生牛肉同松露醬一同攪拌。好滑溜，牛肉唔腥，松露味突出，挺不錯😋 《老饕澳洲M5/M6和牛牛板腱 $198》每面燒五秒就食得。大大片和牛油肉香，仲保持到肉汁，點埋個燒肉汁食ichiban 🥇 《香蔥薄切牛舌 $88》牛舌切得薄身，但肉質夠實同脆，好濃牛味， 係我食燒肉嘅all time favorite。💖 《鳥肶肉醬油 $92》店員貼心提示放喺爐嘅兩邊較低溫慢燒，能做到鎖住肉汁但外脆內軟嘅質感，嫩滑！ 《 梅酒蕃茄 $38》大粒去皮蕃茄浸住喺冰梅酒嘅開胃菜，食落淡淡酒味，好開胃。 《芝士吉列鳥肶肉飯卷 $88》驚唔夠飽叫多個飯卷，除咗有三文魚籽仲有粒wasabi籽。一咬落去，wasabi味爆發，幾特別。