KATANA by SAKEH (已結業)

餐廳在中環蘇豪區，裝潢充滿酒吧氣氛，2樓仲提供包房唱K，為食客帶來豐富既飲食體驗。Katana Specials：日式和風蒜蓉海鮮鍋：海鮮鍋裡面既鮑魚、帆立貝令湯底極鮮甜，粉絲吸晒湯汁既精華，加埋香蔥和大量蒜蓉，份外惹味。Katana Tasting Menu：前菜蟹膏豆腐：嫩滑既豆腐鋪滿三種顏色既蟹籽和啖啖蟹肉，口感豐富而綿密。串燒六款自家製免治雞肉軟骨：雞肉和雞軟骨比例恰到好處，非常美味。汁燒牛肋：牛肋肉既鲜嫩和燒烤既香氣，有相得益彰既效果。澳洲牛小排：嫩滑多汁既牛小排，切成薄薄小塊，一口一塊好滿足。荔枝豬肉卷：將薄片豬肉包裹著去核荔枝，咬下去時荔枝的果汁在口中散開，口感超正。雞皮紫蘇蝦卷：外層雞皮，中間夾住紫蘇葉，內層虎蝦，充滿層次感。秋葵：帶日式風味。主食自家三文魚茶漬蓋飯：清香既綠茶配上三文魚肉、珍珠米、蔥花、紫菜絲及白芝麻，好味又健康。甜品綠茶蕨紅豆白玉：軟糯白玉配香甜紅豆係無敵組合，再加上味道甘甜綠茶蕨餅，打卡必點。最後我哋叫左2杯Cocktails為這餐劃上完美句號，清爽口感既Tom Collins & 酒味唔重既Snowball。