瀧赤料理 (已結業)

呢一間係間溫馨o既日式小店，面積唔大，只有五張檯，牆上簡單掛上幾張浮世繪，鋪頭播住輕快o既日文歌。透過廚房o既玻璃，可見兩名廚師正在一絲不苟地炮製美食，同時又要出o黎鋪面招呼客人。辛勞之中，顯出一種認真o既態度。叫o左一個午餐，七點壽司+烏冬定食($78 免加一)。我呢個餐跟一個沙律，另外有d 餐仲有多個麵豉湯。通常沙律都無咩特別o野好講，但呢間餐廳o既沙律卻加o左好多蘆薈粒上去，咁o既配搭都比較少見。d 蘆薈好甜，一淡咬落去爆漿o既口感十分之爽～七點亦即係七件壽司有鰻魚、玉子(咁o岩缺貨改為蟹籽)、熟蝦、油甘魚、北寄貝各一件同埋三文魚反卷兩件。鰻魚o既醬汁尤其惹味，北寄貝的確爽口彈牙，不過最正還是係油甘魚，厚切得o黎鬆軟油潤而且鮮味，估唔到以小店o黎講水準都有番咁上下播。至於個烏冬，質感幼滑，湯底有住好重醬油同昆布o既味道。一場o黎到，見d 串燒都只係十零廿蚊，咪叫串試下，揀o左份熟帶子串燒($22)。首先想講佢唔只套餐唔使加一，係所有食物都唔使，認真抵讚。d 帶子燒得好香呀！又ok 大粒，令人忍唔住想嗌多串添……不過要留番個肚食甜品就真。牆上面做緊宣傳，如果幫手like 佢地fac