馬祖台灣養生湯麵館 (和安里)

营业中

休息中

天氣轉涼，放工食碗暖烘烘嘅湯麵就最好不過，今日嚟到中環嘅台灣馬祖養生麵館，餐廳提供11款養生之選，當中主菜以農場雞同牛肉為主，亦有兩款配豬肉餃。手工麵/白飯/米線今日就試咗呢款藥膳古早牛肉湯配手工麵$75 (可配手工麵/白飯/米線)。牛腩大大舊，份量相當多，食落筋、肉、脂肪比例一流，牛肉肉味突出。藥膳湯底呈通透深啡色，藥材味唔會過濃，加入紅棗雲耳，味道好之餘仲有滋補功效。手工麵吸收湯頭精華，十分入味。上湯浸時菜$22連生菜都用上養生湯底，真係連湯都想飲埋。