The City Corner (已結業)

今回係行完山之後要盡食，頭湯帶甜咩都齊。每客主菜加40蚊變套餐可以加頭湯飲品甜品。魷魚遊戲佈置XD 聽講萬聖節嗰陣間舖出魷魚遊戲主題。跟餐忌廉蘑菇湯：濃而不膩，相當優秀，有雪人拉花好得意lol芝士蘑菇釀雞翼：勁掂！芝士味好出，非常正，encore之選。横行霸道--軟殼蟹、牛油果竹炭漢堡：無欺場，原隻軟殼蟹、半份牛油果，同fd share都好易切開，唔油膩，甚佳。千島大蝦9吋pizza 加雙倍芝士：批底對我個人嚟講厚咗啲，雙倍芝士唔算好明顯，一般。紅燈、綠燈：該店自調cocktail，好重藥水味，雖然打卡一流，但，嗚，唔得，不如叫咖啡系會好好多。跟餐甜品Strawberry yogurt & Brownie，就係我哋都可以想像到的Strawberry yogurt 同埋 Brownie。應該有的好食都有。總結係佢大位都好食，細位（例如藥水酒）唔多啱口味，如果pizza換為意粉、酒換為咖啡系，應該更加完美。堅！