大壹燒鵝 (啟田大廈)

营业中

休息中

今晚去藍田嘅大壹燒鵝食飯，作為一間港式茶餐廳，佢嘅味道同選擇都真係唔錯，上菜速度又夠快。其中最令我印象深刻嘅菜式係馬介休香煎蓮藕餅，外層煎到微脆，好香口，而且每啖滲透住馬介休嘅鹹香味，好好味。啫啫唐生菜煲，姐姐帶咗一個好熱嘅煲同埋一碟唐生菜上菜，即場落煲，令到唐生菜保持到爽口翠綠，仲落咗肉碎、蝦乾、辣椒調味，即刻變得好惹味。重點大壹燒鵝飯亦都好出色，皮又脆又香，而且鵝味濃，真係好正。貴妃雞飯嘅雞肉好滑，唔會太肥，而且燒味份量夠多。飲品叫咗熱杏霜，濃烈嘅杏仁味，唔會沖得太稀。我叫咗西洋菜蜜，夠清甜。