四季常餐 (已結業)

叫左兩味野食(蕃茄湯牛肉通粉配炒蛋多士—常餐 $46，叉燒炒蛋飯 $56)蕃茄湯牛肉通粉配炒蛋多士 (常餐)：唔好以為炒蛋要滑，一定落忌廉或者奶。四季常餐偏偏只係靠蛋漿同少量既油就炒到佢地既招牌滑蛋。蛋用左好滑既美國蛋，加上好香既日本蛋同湖北蛋，混合而成。少油快炒，又香又滑又天然。蕃茄湯唔係好濃味，非常清新，唔係茄膏味！牛肉大部份都幾腍。少有地佢連個奶茶都做得唔錯，茶同奶既平衡做得好好，兩樣既味都好出！叉燒炒蛋飯：炒蛋同樣係咁滑，加埋豉油既香味。唔使加餸都夠食半碗飯，加埋軟熟既叉燒，直頭覺得唔夠飯呀！