影片
更多
2013-07-08
61 浏览
今次已經係第二次嚟呢間CAFE食晚飯，貪佢坐得舒服同埋飯餐有趣。只可恨，佢哋冷氣太凍、音樂太嘈，所以好多人都係食完好快就走，實在太凍太嘈喇。 講番啲食物，真心講，我係因為有啲掛住佢個King Taco Rice ($93)，所以先會再嚟。你問我點解掛住...咁又答唔出，可能因為有好多菜掛...同埋啲味幾特別囉，出面搵唔到，你試咗就會明。今次我另外叫咗個豆腐Caesar Salad ($68)，基本上可以接受，無咩特別，不過要小心豆腐上有一舊非常非常咸、帶有少少梅味嘅醬，食嘅時候記得將佢撈埋落個沙律度先好食，如果唔係會咸死。不過個人認為其實唔落好過落。 上次叫咗個有Parma Ham 嘅 Pancake，味道麻麻，因為料咸但餅底甜，感覺好怪。於是今次叫番個正常嘅Chocolate Pancake with Banana ($78) 就覺得好好食喇，大家可以一試，只係餅底整得有啲太燶太薄，所以有啲苦。至於友人叫嘅 Hamburger Combo ($115)，牛肉漢堡非常騷（我本身好喜歡食羊都覺得佢好騷）、肉質怪怪，唔似純牛肉，抵唔抵食就見仁見智。基本上食完今餐，又可以隔番好一段時間都唔使
講番啲食物，真心講，我係因為有啲掛住佢個King Taco Rice ($93)，所以先會再嚟。你問我點解掛住...咁又答唔出，可能因為有好多菜掛...同埋啲味幾特別囉，出面搵唔到，你試咗就會明。今次我另外叫咗個豆腐Caesar Salad ($68)，基本上可以接受，無咩特別，不過要小心豆腐上有一舊非常非常咸、帶有少少梅味嘅醬，食嘅時候記得將佢撈埋落個沙律度先好食，如果唔係會咸死。不過個人認為其實唔落好過落。
上次叫咗個有Parma Ham 嘅 Pancake，味道麻麻，因為料咸但餅底甜，感覺好怪。於是今次叫番個正常嘅Chocolate Pancake with Banana ($78) 就覺得好好食喇，大家可以一試，只係餅底整得有啲太燶太薄，所以有啲苦。
至於友人叫嘅 Hamburger Combo ($115)，牛肉漢堡非常騷（我本身好喜歡食羊都覺得佢好騷）、肉質怪怪，唔似純牛肉，抵唔抵食就見仁見智。基本上食完今餐，又可以隔番好一段時間都唔使嚟，佢並非好食到要經常要嚟，不過間唔中食吓係幾得意嘅。
题外话/补充资料：
希望佢哋可以攪攪啲音響同冷氣，不過呢個可能係行銷手法都唔定，唔坐得耐先可以做多啲客嘛。
(以上食记乃用户个人意见 , 并不代表OpenRice之观点。)
张贴
