潮福蒸氣石鍋 (已結業)

之前天氣寒冷，出街特別想揀d熱野，屋企人提議去潮福，位置幾方便環境舒服乾淨上了一樓，地方闊落，座位之間有空間感，有一角落還有海鮮檔位，俾我地即買即煮海鮮！蒸海鮮前，侍應好好咁幫我地先落米落排骨，南瓜做粥底。蓋好後，我們的海鮮，就陸續上枱：龍蝦，鮑魚，蟹，蟶子同蜆，枱上面有一個計時器，待應每放一道海鮮，都會調好時間，只要計時器一響，就可以開蓋品嚐。每樣海鮮烹調時間都啱啱好，出來的味道都非常鮮甜,多汁！基本上我地都沒有點什麼醬汁，已經夠晒好味!龍蝦好彈牙，菲律賓膏蟹好多膏，肉質鮮嫩，蟶子，鮑魚都好鮮甜，總括而言海鮮好生猛，味道自然相對出色!下次大伙兒來吃，可以試多幾款海鮮！