影片
更多
2019-09-25
1094 浏览
蒸氣海鮮近年係香港成為潮流，而因為清蒸既關係，食材質素顯得格外重要。而今晚去到九龍城食既蟹仙，就係以直銷海鮮作金漆招牌。我地兩人每人點了一個共十款海鮮既套餐。先小試牛刀蒸大蝦!蒸籠一般都交俾餐廳操作，由佢地決定清蒸時間，當夠鐘後就會嗶嗶咁響就算食得啦～蒸海鮮非常重要係全熟，而隻蒸蝦時間就掌握得好好。食落肉身爽彈，蝦頭非常多汁。接住落黎，再蒸既有大元貝，龍躉片，韓國慶南蠔，蟶子，貴妃蚌同鮑魚。非常難得貝殼類清洗得好乾淨，餐廳都將內臟剪走左，清蒸後鮮味猶在，濃濃海水味豉油都唔落了~接住黎其中一道重頭戲~野生琵琶龍蝦!呢種琵琶龍蝦出名難養，所以一食一定係野生!琵琶龍蝦開邊蒸十多分鐘~看到透明肉身變做雪白色，食得~琵琶龍蝦比一般龍蝦size細一d, 頭比例都細d, 不過肉身質地爽彈，蝦膏清甜而不膩，個人幾喜歡~琵琶龍蝦之後就係澳洲龍蝦~一樣係開邊蒸~對比之下，澳洲龍蝦味道比較濃，金黃色蝦膏味道就更明顯。先食琵琶龍蝦確實係有心思安排，有輕至濃。肉質方面澳洲龍蝦更為結實。而同場另一重頭戲就係頂角膏蟹 同大黃奄~!橙色及綠色膏呢一隻就係頂角膏蟹，據聞呢個品種既蟹主食係綠海草，所以爆膏都係綠色，味道超
蒸氣海鮮近年係香港成為潮流，而因為清蒸既關係，食材質素顯得格外重要。
而今晚去到九龍城食既蟹仙，就係以直銷海鮮作金漆招牌。
我地兩人每人點了一個共十款海鮮既套餐。
先小試牛刀蒸大蝦!
蒸籠一般都交俾餐廳操作，由佢地決定清蒸時間，當夠鐘後就會嗶嗶咁響就算食得啦～蒸海鮮非常重要係全熟，而隻蒸蝦時間就掌握得好好。食落肉身爽彈，蝦頭非常多汁。
接住落黎，再蒸既有大元貝，龍躉片，韓國慶南蠔，蟶子，貴妃蚌同鮑魚。非常難得貝殼類清洗得好乾淨，餐廳都將內臟剪走左，清蒸後鮮味猶在，濃濃海水味豉油都唔落了~
接住黎其中一道重頭戲~
野生琵琶龍蝦!
呢種琵琶龍蝦出名難養，所以一食一定係野生!
琵琶龍蝦開邊蒸十多分鐘~
看到透明肉身變做雪白色，食得~
琵琶龍蝦比一般龍蝦size細一d, 頭比例都細d, 不過肉身質地爽彈，蝦膏清甜而不膩，個人幾喜歡~
琵琶龍蝦之後就係澳洲龍蝦~
一樣係開邊蒸~
對比之下，澳洲龍蝦味道比較濃，金黃色蝦膏味道就更明顯。先食琵琶龍蝦確實係有心思安排，有輕至濃。肉質方面澳洲龍蝦更為結實。
而同場另一重頭戲就係頂角膏蟹 同大黃奄~!
橙色及綠色膏呢一隻就係頂角膏蟹，據聞呢個品種既蟹主食係綠海草，所以爆膏都係綠色，味道超級濃郁，而且有好明顯甘甜味，著實特別!
而另外呢一隻就係大黃奄! 即係奄仔! 蟹膏金黃色，膏量比頂角膏蟹少dd, 但蟹膏相對無咁甘，多一點甜味，而膏質地較軟。為個人至愛!
蒸完海鮮最後當然要食埋蒸籠下既粥底，盡吸海鮮精華，加上少量香蔥菜寶一流。
张贴
