潮福蒸氣石鍋 (已結業)

第二次光顧。服務都係好好，今次叫左個半任食任飲定食。要啤下佢，釋放下。太多壓力了。任食，只限於丸丸類，菜同馬拉糕。。。等海鮮依然新鮮，三百幾文一人，有龍蝦，鮑魚，象拔蚌，蜆仔，乳鴿，。。。。但龍躉就差d，太薄，有大條骨。肉丸叫左幾輪，好味。蝦丸同梅豬肉丸夠味，爽口。細細粒，可以食多幾口。荷葉飯，冇花冇假，有荷葉有飯😑。但太冇內涵了。可以唔點。仲有個粥底。極飽滿。本來想叫桶蠔，但計落又好似唔抵要單叫加百幾文，雖然有人服侍又唔須要有落手落腳煮同洗。😬如果三，四個人，提議叫套餐，抵d。荷葉飯，草花蒸雞，馬拉糕都會用籠仔上。(下方：兩個月前舊照)