影片
同朋友去完西湾河文娱中心后，要医下个肚，行过隔离条街见到食蒸海鲜嘅潮福蒸气石锅酒家。见到门口介绍嘅Menu好吸引，一于试试，上到去见到差不多座无虚席。行过见到摆著各色各样琳琅满目嘅海鲜，😳哗！好大嘅蛏子。我哋两个点左个蒸气石锅任饮任食，重有专人服务睇时间。呢个餐原来每人有三种定食、有四款自选海鲜、粥底三选一款，另外每人送一盅滋润炖汤，姬崧茸炖螺肉同埋唐排炖冬瓜，好够热又好清甜同滋润。生猛龙虾好大只，有好多蒜茸铺喺面，服务员控制火候恰到好处。食落感觉肉质鲜甜又弹牙。我哋拣咗个苏格兰蛏子皇，圣子好大只，足足有只碟咁长。生猛鲜鲍鱼好肉好厚，估唔到食落好够霖同嫩滑。今次食过呢间朝福嘅海鲜先知道啲海鲜原来咁新鲜，服务员态度又非常殷勤，下次又要嚟试另一种海鲜定食火锅放题。
继续阅读
食火锅就经常𠺢啦，朋友话去食蒸气锅, 咁咪友试下啰，去到坐底真系唔见个锅，净系见到个塔。原来蒸气石锅系将啲海鲜饭放喺石锅上面再用组织成嘅荅佢咁绝蒸熟佢嘅，蒸出来的海鲜原汁原味好鲜甜同打边炉完全唔一样。我地今次嚟le 一间系有任食套餐嘅，有固定每人一份海鲜每人一份乳鸽乳鸽每人一个炖汤。另外仲有啲任食嘅海鲜同埋配料俾你任点，仲有任饮嘅Drink List.呢度啲海鲜好新鲜，龙虾够大只，炖汤好好饮但又唔似落咗味精，最后仲有个粥底，个足底吸收晒海鲜入面嘅鲜味，鲜甜好食。价钱亦唔算好贵。今次之后我会比较喜欢蒸气石锅多个火锅了😃。
继续阅读
我成日都去潮福打边炉，但系就系未试过蒸气石㶽，成日见到隔离枱都食，所以今日就特登嚟试下睇下同火锅有咩唔同。本身个套餐已经包左炖汤，龙虾、贝壳拼盆同乳鸽，食完你到已经饱了一半，仲有个Menu可以无限次任点里面嘅嘢食嚟蒸，蒸完海鲜嘅精华落晒下面个粥底度，食埋个粥你点会唔饱呀。饮品都有个List 任饮嘅，价钱系视乎时间同星期几去的有不同，但最贵加一后加埋其他收费4佰几蚊左右，但海鲜够新鲜，又食得够饱都值得，但记住如果想去食最少要2位起呀。
继续阅读
同妈妈系西湾河睇完戏之后就去揾嘢食，行过见到间酒家门口个牌好吸引有定食嘅火锅放题价钱一啲都唔贵，鱼缸啲海鲜有好生猛，于是就上咗去2楼，睇到有啲滕织嘅帽咁嘅嘢系枱面，原来呢啲就系蒸气石锅于是我两个就试试。有好多调味料各式各样任选择。粥底有三款，我哋拣咗滑鸡淮山粥底。有送滋润炖汤每人一盅，唔单止热辣辣，汤味重好浓郁。定食三款之中，其中一款系妈妈最喜欢又最欣赏嘅脆皮乳鸽，皮脆有肉，肉质嫩滑，又腌得好入味，真系食过返寻味😋贝壳盛盘可以尝试唔同种类嘅贝壳。海鲜有九款，可拣四款，象拔蚌有碗仔咁大,同埋的蛏子王足足有只筷子咁长，面头铺满好多蒜蓉，一齐放入口，零舍有一番风味😋可以任食嘅姬崧茸蒸鸡同污糟鸡好有口感又肉质嫩滑。和牛片同和牛粒好够霖。有我至爱嘅糯米鸡，真系好袖珍，一啖一口，糯米够烟靭，好有口感。觉得呢间潮福蒸气石锅海鲜酒家唔单止海鲜生猛又够新鲜，服务员态度一流👍下次有机会又拉大队过嚟食先得。
继续阅读
之前从未食过蒸气火锅，今次朋友介绍就book左潮福蒸气火锅，见到食评个个都大赞，即刻要试一试先，一出地铁站行2分钟就到，方便又就脚，侍应们个个招呼周到，赞赞赞。放工过来十分肚饿，即刻落order点左龙虾，蚝，鲍鱼，贵妃蚌，每位顾客仲有炖汤同乳鸽。先来一碟小食：麻中带辣麻辣云耳，酸酸甜甜酸萝卜，爽脆青瓜，越食越开胃汤：姬松茸炖鸡汤，浓浓既鲜鸡味，滋补养颜乳鸽：热辣辣，皮脆肉嫩，正戏肉系海鲜：每样海鲜都有专人帮你计时，分碟送出，每样海鲜蒸煮时间刚刚好，又嫩又多汁，食到舔舔脷，贝类：好鲜好甜又冇沙，每只都洗得好干净蛏子&贵妃蚌：啖啖肉，配埋蒜蓉粉丝好好味，贵妃蚌有我只手掌咁大鲍鱼：鲍鱼配虫草花，爽口弹牙，无得弹龙虾：最爱既龙虾鲜嫩多汁，又爽口，我想再order多一只蚝：第一次食蒸蚝，好大好大，大过我个拳头，蒸完都冇缩水，又爽又脆，连朋友唔钟意食蚝都赞食完海鲜已经饱左7成，之后就点左少少肉类同菜类，蒸菜都系第一次试，蒸肉原来可以咁鲜嫩，最后食埋个淮山瑶柱粥，真系饱到要抱住个肚走，哈
继续阅读